Popular Bible Verses from Марк 1

Share

Маңһдуртнь өр цәәтл босад, Исус аглһ һазрт одад мөргсмн.

Йоханыг түүрмд Херод хан суулһсна хөөн Исус Һалильяд одад, олн әмтнд Бурхна Сән Зәңг цәәлһҗ: – Цагнь ирв! Теңгрин Йосн өөрдв! Килнцтә җирһлән үлдәтн! Сән Зәңгд итктн! – гисмн.

Исусиг уснас һарч йовтлнь генткн теңгр заагрсмн. Дарунь Әрүн Сәкүсн Бий деернь көглҗрһн мет бууҗахиг Исус үзсмн. – Энтн Мини Хәәртә Көвүн! Эн Намаг байрлулна! – гисн дун дарунь теңгрәс соңсгдҗ.

– Мини ардас Ик Күчтәнь ирхмн. Нанд Түүнә буршмгин бүчинь тәәлх зөв уга. Би тадниг уснд кирслҗәнәв, Тер тадниг Әрүн Сәкүсәр кирслх, – гиҗ Йохан зәңглсмн.

Һалилья нуурин көвәһәр йовҗ йовад, Исус заһсчнр Шимон Андрей ах дү хойриг үзҗ. Тедн уснд гөлмән хайҗ йовцхаҗ. – Наартн, Намаг дахтн! Би таднд әмт дуудҗ, мөңк җирһлд орулҗ заанав, – гиҗ Исус теднд келҗ. Ах дү хойр түдл уга гөлмән үлдәчкәд, дахад һарцхав.

Исусин номинь соңсад, цугтан өврҗ. Учрнь иим: ном цәәлһдг улсла әдл биш ном сурһх зөвтә күн болҗ, Исус сурһҗ. Тер цагт хурлд хар сәкүснд эзлгдсн күн бәәҗ. Тер хәәкрҗ: – Назаретас ирсн Исус, Танд маднас юн кергтә? Та мадниг уга кехәр бәнт? Би Таниг меддүв! Та Бурхна Әрүн Зарцд! – гиҗ.