Popular Bible Verses from Марк 6

Share

– Нег аглһ һазр олҗ авхмн, тенд тадн невчк амрхт, – гиҗ Исус теднд келв. Өөрнь дегд олн күн цуглрад, хот чигн уудг арһ уга болхлань, Исус тиигҗ келсмн.

– Әәлдәчиг күндлдго һазр уга. Зуг төрскн һазртнь, гертнь болн өрк-бүлднь әәлдәчиг әәлдәчд тоолдмн биш, – гиҗ Исус теднд келв.

Исус оңһцасн бууһад, олн әмтн эрг деер Бийинь күләҗәсинь үзҗ. Олн әмтн хөөч уга хөд мет бәәхинь Исус үзәд, теднд санань зовад, дала юм сурһв.

Тенд Исус өвәрц юм һарһҗ чадсмн биш. Зуг цөөкн күн деер һаран тәвәд, тедниг эдгәҗ. Назаретин әмтн иткл уга бәәснднь, Исус алң болв. Тегәд Исус Назаретин эргн шидр бәәсн хотдудар йовад, Сән Зәңг цәәлһв.

Исус өдмг заһс хойриг авад, теңгр тал хәләһәд, Бурхнд ханлт өргв. Тиигчкәд өдмгиг зүсм-зүсмәр хуһлад, сурһульчнртан өгв, теднь әмтнд түгәв. Хойр заһсиг бас тиигв. Цугтан идәд цадв. Хотын үлдл цуглулхла, арвн хойр савар дүүрң хот үлдҗ.