Popular Bible Verses from Kini Pieke 1

Share

Kutupa Koda꞉ma꞉ alota꞉ Kota꞉ ameta꞉ wanda꞉halimanu wepumana꞉e laa leekeme. Ikita꞉ nikima꞉ handaa nika꞉ hau hondena꞉e laa leekeme. Ikana꞉ma꞉ta꞉ mo ta꞉pelimanu make bamanu make pona꞉la꞉ hotekemanu make tikene hala꞉ hotekemanu make tieke make hosikale sunu make paeya tapaota꞉ kilu tombuao haena꞉e laa leekeme. Koto ekina꞉ta꞉ Koda꞉ma꞉ wanda꞉hali ipikima꞉ kone handena꞉ wepiekeme. Ipikana꞉ma꞉ta꞉ hali tapake pita꞉ wanda꞉ tapake yaapo wepiekeme.

Ipikana꞉ma꞉ ipiliki ta꞉na꞉ma꞉ homa꞉ tiaasa꞉ pima꞉ alota꞉ Ipilika꞉ monduma꞉ monduma꞉ pilipi wekiwandikina꞉ wekiwandikita꞉ do kenke honiki paeyao pa꞉ta꞉ hata꞉ ala꞉ta꞉ ala꞉ta꞉ paeyao kilu tombuao haena꞉ yeke wekiwandiki wopu mendia꞉pa꞉peke laa leekeme. I̱ma꞉ ipilikita꞉ mo ta꞉pelimanu make bamanu make tikene hala꞉ hotekemanu make handeteke hapena꞉ yeke alome leekeme.

Titi panake pa꞉ta꞉ Koda꞉ma꞉ kenke ya yaapo wepieke dina꞉ do kenketa꞉ homeke hau honda꞉ lupa pua aleta꞉ ma꞉nda꞉ ota꞉ na wiekeme. Kutupa mo dawalata꞉ timba꞉ kiti la꞉pa peeke alena꞉ Koda꞉na꞉ Sipitidita꞉ manda hayekeme.

Titi panake pa꞉ta꞉ Koda꞉ma꞉ kenke ya yaapo wepieke dina꞉ do kenketa꞉ homeke hau honda꞉ lupa pua aleta꞉ ma꞉nda꞉ ota꞉ na wiekeme. Kutupa mo dawalata꞉ timba꞉ kiti la꞉pa peeke alena꞉ Koda꞉na꞉ Sipitidita꞉ manda hayekeme.

Kutupa Koda꞉ma꞉ alota꞉ Pa̱a̱ pa꞉la꞉eki wina꞉e leeke handaata꞉ pa̱a̱ piekeme.

Kutupa Koda꞉ma꞉ mo ipika꞉ wepia wina꞉ leeke ala꞉ta꞉ ala꞉ta꞉ paeyao handolo hata꞉ta꞉ ta꞉na꞉ tiekema꞉ wopu homeekeme. Kota꞉ timba꞉ laa da kelepeeketa꞉ yunki mindiki peao nate yeekeme.

Koda꞉ma꞉ kutu piekeeki handolo hata꞉ ta꞉na꞉ma꞉ homolo mo timba꞉ ala꞉eki pita꞉ pa̱a̱ pa꞉la꞉eki yaapo putupaalu pina꞉ leekeme.

Kutupa ipilikana꞉ma꞉ nopena꞉ yeketa꞉ mo ta꞉ta꞉ ta꞉ta꞉ piki konima꞉ handeke kilikimanu make ta꞉ta꞉ ta꞉ta꞉ piki ti potekemanu make amu pea wepia wina꞉ lolome leekeme.

Ipikana꞉ma꞉ mo pa̱a̱ pa꞉la꞉ ekina꞉ bikita꞉ Natee laata꞉ timba꞉ ala꞉ ekina꞉ bikita꞉ Timbae leekeme. Kota꞉ timba꞉ laa da kelepeeketa꞉ titina꞉ nate yeekeme.

Kutupa Koda꞉ma꞉ alota꞉ Mo ikalita꞉ putupaalu pina꞉ yeke dopu miaasa꞉ ekima꞉ handeke ale wina꞉e leeke handaata꞉ kutu piekeme. Koda꞉ma꞉ do wieke alema꞉ta꞉ mo ikalita꞉ putupa꞉alu pea manda make oto nane make wina꞉ leekeme.

Pate mo tikene hala꞉ hoteke manuma꞉ make ba manuma꞉ make nena꞉ta꞉ mo ambumanu make katake hake timanu wepia wina꞉ laalome leeke handaata꞉ kutu piekeme.

Kutupa Koda꞉ma꞉ alota꞉ Mo nate pita꞉ timba꞉ ala꞉eki yaapo putupa꞉alu pina꞉ yeke oli ya nane pa̱a̱ pa꞉la꞉ ekimanu wina꞉e laata꞉ koto pa̱a̱ pa꞉la꞉eki manuma꞉ta꞉ mo natemanu make bapimanu make ne pamba꞉la꞉eki manuna꞉ dimanu kini peaena꞉ yeke wina꞉e laa leekeme.

Kutupa Koda꞉ma꞉ alota꞉ Do kenkema꞉ta꞉ mo kenkena꞉ opa꞉la꞉ ta꞉ta꞉ ta꞉ta꞉ piki ti potekemanu make kiliki a꞉eta꞉la꞉ alemanu make opaena꞉e laa leeke handaata꞉ kutu piekeme.

Kutupa Koda꞉ma꞉ alota꞉ Mo ikalita꞉ putupaalu pina꞉ yeke dopu miaasa꞉ ekima꞉ handeke ale wina꞉e leeke handaata꞉ kutu piekeme. Koda꞉ma꞉ do wieke alema꞉ta꞉ mo ikalita꞉ putupa꞉alu pea manda make oto nane make wina꞉ leekeme.

Kenkema꞉ kutu piekeeki hando haota꞉ Koda꞉ma꞉ ta꞉na꞉ma꞉ homeekeme.

Koto ekina꞉ Koda꞉ma꞉ta꞉ pa̱a̱ tieke yaapo wepiekeme. Mo natema꞉ta꞉ natepa handeteke haena꞉ make mo kaisepoma꞉ta꞉ timba handeteke haena꞉ piekeme. Kutupa hombulanka꞉manu make wepiekeme.

Kutupa Koda꞉ma꞉ alota꞉ mo ya oto nane ula꞉ ikali pa꞉ta꞉ yu peneme yao opa꞉liao wina꞉ yeke mo ikalita꞉ homeke alena꞉ mombelena꞉e laa leeke handaata꞉ kutu piekeme. Kutupa mo yuna꞉ bikita꞉ Kenkee laa mo homeke alena꞉ mombeleeke ikalina꞉ bikita꞉ Dawalae leekeme. Koto ekina꞉ moeki hando haota꞉ Koda꞉ma꞉ ta꞉na꞉ma꞉ homeekeme.

Ipikana꞉ma꞉ta꞉ ta꞉na꞉ma꞉ homa꞉ tiaasa꞉ pima꞉ mo ikali pa꞉ta꞉ pilimi pa pitiki alemanu pa꞉ta꞉ alota꞉ Mo dawala pa꞉ta꞉ sembelomena꞉ pa mendiolo ombu hapa꞉peke laata꞉ mo bamanu pa꞉ta꞉ make alota꞉ Wopu yomena꞉ pa mendiolo ombu hapa꞉peke laa leekeme.

Kutupa Koda꞉ma꞉ alota꞉ Mo kenke pa꞉ta꞉ yama꞉ta꞉ ta꞉ta꞉ ta꞉ta꞉ piki pona꞉la꞉ hotekemanu make tikene hala꞉ hotekemanu make tieke make hosikale sunu make haena꞉e laa leeke handaa kutu piekeme.

Kutupa Koda꞉ma꞉ alota꞉ Mo ikali pa꞉ta꞉ta꞉ ta꞉ta꞉ ta꞉ta꞉ pa pitiki ale manuma꞉ tumbina꞉e laata꞉ yana꞉ta꞉ ba titima꞉ tumbina꞉e laa leekeme.

Koto ekina꞉ta꞉ Koda꞉ma꞉ koto alemanu paeyao wepiaka꞉na꞉ mo alemanu hando haota꞉ ta꞉na꞉ma꞉ homeekeme.