Popular Bible Verses from Kini Pieke 15

Share

Koto ekina꞉ Eipola꞉ma꞉ma꞉ Tekehali pa꞉ta꞉ hone tulaeyeke ekiyalo mo Tekehalima꞉ta꞉ ipikita꞉ tikitiki piki halie leekeme.

Do haumanu hoki naneta꞉ Eipola꞉ma꞉ma꞉ upa piki nono pea Koda꞉ma꞉ ipiki pa꞉ta꞉ dupa leekeeki opiekeme. Eipola꞉ma꞉o. Paala꞉ma꞉ na homa꞉pee. I̱ma꞉ta꞉ mo ekia꞉nda꞉ pilia꞉ pa꞉ta꞉ta꞉ I̱ta꞉ ota꞉ naka꞉ hanka꞉ tupa꞉ hata꞉ neke pa꞉ta꞉ta꞉ yenki tieke kulueke leekeme.

Kutupa mo Tekehalima꞉ ipiki hama hatuku pua alota꞉ Oli ya nane handa꞉liao oli hombulanka꞉manu yata꞉pa꞉ handa꞉e. Nakana꞉ma꞉ monduma꞉ monduma꞉ pilipi wekiwandikina꞉ wekiwandikita꞉ oli hombulanka꞉ manuma꞉ handilimikie leekeme.

Kutupa Tekehalima꞉ ipiki pa꞉ta꞉ pi paa leekeeki dupa opiekeme. Do pa hameke e pokaasa꞉ some Eliesama꞉ naka꞉ anketeke na mulu pa꞉la꞉pate ota꞉ naka꞉ wekima꞉ milieke leekeme.

Kutupa mo Tekehalima꞉ ipiki pa꞉ta꞉ alota꞉ Naka꞉ monduma꞉ monduma꞉ pilipi wekiwandikina꞉ wekiwandikita꞉ mo ma꞉nda꞉na꞉ kenkena꞉ pua hata꞉ta꞉ leke popeleke na handeke tapake leke halimikie. Ikita꞉ koto pa꞉ta꞉ta꞉ pa pa hameke e pokaasa꞉ tapake hata꞉ 400 bapina꞉ta꞉ ota꞉ hoke tupa꞉ handeteke halimikie.

Pate Eipola꞉ma꞉ma꞉ alota꞉ Tekehali Koda꞉o. Mo I̱ta꞉ wekiwandiki make dia꞉me. Kota꞉ pa ekipa epeke yenki kilipikipe. Yaka anke teke mulu pa꞉la꞉ halita꞉ mo Damasikasi hali Eliesa homeke hala꞉me.

Kutupa koto pate koneta꞉ Tekehalima꞉ Eipola꞉ma꞉ yaapo pi la꞉ witolo alota꞉ I̱ma꞉ do yata꞉polo kenke paeyaota꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ halueke laa pi la꞉ witolome. Oni Idiepi yu tombona꞉ kini pea pua mo Yupoteitisi ikali puata꞉

I̱ma꞉ta꞉ do kenkena꞉ haleme A꞉mo tapake wanda꞉hali a̱i̱ na tolu liki pa haota꞉ ika꞉ hoke hau tieke piteleme ekina꞉ ka꞉nda꞉ halua꞉ dina꞉ta꞉ mo naka꞉ monduma꞉ monduma꞉ pilipi wekiwandikina꞉ wekiwandikita꞉ mei tonkopu mia꞉ka꞉na꞉ta꞉ do pate paa la꞉ka꞉la ipilimikie leekeme.