Popular Bible Verses from Kini Pieke 21

Share

Mo Tekehalima꞉ ipika꞉ pi la꞉ wieke tupa꞉ kone Seta epeayeketa꞉

Koda꞉ma꞉ mo wekina꞉ e̱ leekeeki opua hepeni nanema꞉ Koda꞉na꞉ enisoloma꞉ Heika pa꞉ta꞉ alota꞉ Heikao. Neketa꞉ alekena꞉ ka꞉nda꞉ma꞉ homelepe. Koda꞉ma꞉ mo wekina꞉ e̱ opia꞉ma꞉ paala꞉ma꞉ na homa꞉pee. Tiao. Pua mo weki pua hopulu mea homupeae. I̱ma꞉ta꞉ do weki pa꞉ta꞉ yama꞉ta꞉ ipika꞉ monduma꞉ monduma꞉ pilia꞉ wekiwandikina꞉ wekiwandikita꞉ tutu tieke hawalueke leekeme.

Eipoloha꞉ma꞉ta꞉ koke ya꞉na꞉ kone Setama꞉ weki loke lomba Eipoloha꞉ma꞉na꞉ hali weki mendiaeyekeme. Mo wekita꞉ hande Koda꞉ma꞉ mendiliekee laa la꞉ wieke natena꞉ kone mendiekeme.

Setama꞉ alota꞉ Koda꞉ma꞉ I̱ pa꞉ta꞉ta꞉ ta꞉na꞉ pa꞉la꞉eki make ki tala꞉eki make mea a꞉pa꞉la꞉mee. Epi amedama꞉ doeki opia꞉ka꞉na꞉ta꞉ kota꞉ I̱ ame̱le̱ mandakena꞉ ki talimikie.

Pate Koda꞉ma꞉ Eipoloha꞉ma꞉ pa꞉ta꞉ alota꞉ Mo naka꞉ pa hameke e pokaasa꞉ wanda꞉ Heika make mo weki Isima꞉elo yaapona꞉ pomoma꞉ na homa꞉peke. Mo Setama꞉ pia꞉ ala꞉ ekita꞉ ota꞉ pea꞉peke. Pa ekipeke mo I̱ma꞉ pi la꞉ ua꞉ tupa꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ Aisa꞉ke pa꞉ta꞉ yama꞉ ipilieke.

Kutupa make mo pa hameke e pokaasa꞉ wanda꞉na꞉ eiyeke pa꞉ta꞉ make wekiwandiki wopu halaa tutu tieke halieke. Pa ekipeke mo weki make naka꞉ weki ya꞉la꞉ ekina꞉ loa꞉me leekeme.