Popular Bible Verses from Kini Pieke 39

Share

Mo Tekehalita꞉ Diosepe yaapo hayeke ekima꞉ ipika꞉ pieke hau paeyao epeayekeme. Ipikita꞉ mo ipika꞉ pahameke e pokao hayeke Idiepi halina꞉ da pa꞉ta꞉ pelia hayekeme.

Podipama꞉ta꞉ mo ipika꞉ wia hayeke alemanu paeyao sikita꞉ Diosepena꞉ kiki pa꞉ta꞉ u moneaaso hata꞉ ipikita꞉ ala꞉ta꞉ ma꞉nda꞉na꞉ hone na wikita꞉ pa nolo pieke nena꞉ homeke hone wiekeme. Diosepeta꞉ loke panka hali seliapo hayekeme.

Koto ekina꞉ mo somema꞉ta꞉ Diosepeta꞉ mo mandane dipula haliweki paeyao handeteke haena꞉ laa make mo dipula da pa꞉ta꞉ pieke haumanu paeyaota꞉ ipikana꞉ma꞉ handeteke haena꞉ leekeme.

Diosepe minina꞉ laata꞉ mo kinina꞉ dipula haliweki pitaeyeke ale pa꞉ta꞉ dipula pitina꞉ leekeme. Kutupa Diosepeta꞉ koto pa꞉ta꞉ hao hayekeme. Pate mo Tekehalita꞉ Diosepe yaapo hata꞉ ipiki epeayekeeki yalo mo dipula handeteke hayeke halima꞉ make Diosepe yaapo ta꞉na꞉ma꞉ homeekeme.

Kutupa hao hao peaata꞉ ipika꞉ you somena꞉ wetekema꞉ta꞉ mo wekina꞉ da tunkulolo hata꞉ da panda꞉ nane polupana꞉ pana꞉e laa honke leekeme. Koto leeke mo wekima꞉ kiaaso hata꞉ mo wanda꞉ pa꞉ta꞉ alota꞉ Handa꞉e. Yaka you halima꞉ta꞉ do I̱ halo ekina꞉ ipika꞉ da pa꞉ta꞉ ula꞉ alemanu paeyaota꞉ hone bao hala꞉me. Ipikana꞉ma꞉ta꞉ ala꞉ta꞉ ala꞉ta꞉ paeyao I̱ma꞉ handeteke hano la꞉la꞉me. Ipikana꞉ma꞉ta꞉ mo ipiki pa꞉ta꞉ ula꞉ honkopu kone I̱ pa꞉ta꞉ make ala꞉ta꞉ ala꞉ta꞉ paeyao handeteke hano la꞉la꞉pate neke homeke dia꞉me. Koto ekina꞉ pa I̱ma꞉ta꞉ Koda꞉ pa꞉ta꞉ hoke hau pitolo hata꞉ do nakana꞉ma꞉ ale hoke hauta꞉ ekipa peonope laa leekeme.

Kutu piekepate nate ma꞉nda꞉na꞉ta꞉ Diosepeta꞉ oni da pa꞉ta꞉ e pokulueke alo peekepate mo da pa꞉ta꞉ e pokao haemeke tapake ma꞉nda꞉ make ota꞉ na haemekeme. Koto ekina꞉ mo wanda꞉ma꞉ mo wekina꞉ dau hokulupeke mineke hata꞉ alota꞉ Oni da panda꞉ pa꞉ta꞉ dika꞉ polupana꞉ pana꞉ epoma leekepate mo wekita꞉ ipika꞉ dauta꞉ mo wanda꞉na꞉ kiki pa꞉ta꞉ hola꞉mea wia haena꞉ hama pindipa opolu baeyekeme.