Popular Bible Verses from GENESE 37

Share

Inai Iosepa be ia nihi, iena nihi be iena kakana taudia dekenai ia hamaoroa. Unai dainai idia badu dikadika ia dekenai.

Israela ese inai Iosepa dekenai ia lalokau henia bada, badina ia be tau buruka neganai ia havaraia, to iena natuna haida dekenai ia lalokau henia maragi, vadaeni Israela ese kouti dabua latana, namona momokani, mai ena imana lata danu ia karaia, Iosepa dekenai ia henia.

Iena kakana taudia idia itaia, edia tamana be Iosepa dekenai ia lalokau henia bada, idia dekenai ia lalokau henia maragi. Vadaeni, idia badu henia Iosepa dekenai, hereva namona ta idia gwauraia lasi ia dekenai.

Ma ia nihi lou, iena nihi be iena kakana taudia dekenai ia hamaoroa, ia gwau, “Lau nihi lou vadaeni. Lauegu nihi dekenai be dina bona hua, bona hisiu 11 idia toma diho henia lau dekenai.”

Vadaeni iena kakana taudia be idia badu dikadika mai mama danu, to iena tamana ese Iosepa ena nihi ia laloa noho.

Ia hamaoroa idia dekenai, ia gwau, “Lauegu nihi mani lau hamaoroa umui dekenai. Lauegu nihi be inai bamona: Ita be uma dekenai uiti ita guia. Vadaeni lauegu uiti be ia toreisi, to umui emui uiti be idia gini hagegea lauegu uiti dekenai. Vadaeni emui uiti idia tomadiho henia lauegu uiti dekenai.”

Ita alaia mase, inai guri ta, ranu ia noho lasi gauna dekenai do ita negea diho. Vadaeni, dohore ita gwau, ‘Dagedage gauna ta ese ia alaia mase.’ Unai dekena amo dohore ita itaia, iena nihi ena anina be dahaka.”

Inai hoihoi taudia be Midiana dekena amo idia raka hanaia, vadaeni Iosepa be iena kakana taudia ese guri dekena amo idia veria daekau. Isamaela taudia dekenai idia hoia, iena davana be siliva moni 20. Vadaeni Isamaela taudia ese Iosepa idia abia lao Aigupito dekenai.

Idia sibona idia herevahereva, idia gwau, “Itaia, unai nihi tauna ia mai inai.

To ia be sisina daudau dekenai idia itaia, ia do mai kahirakahira lasi neganai, idia herevahereva, idia gwau, “Dohore ita alaia mase.”

Ita alaia mase lasi. Inai guri dekenai, taunimanima lasi gabuna dekenai do ita negea diho, to do ita hisihisi henia lasi.” Unai bamona ia hereva, badina iena laloa be idia edia imana dekena amo do ia hamauria, iena tamana dekenai do ia henia lou gwauraia.