Popular Bible Verses from IOANE 15

Share

“Vain be lau, ena rigi be umui. Lau dekenai ia badinaia, bona ia dekenai lau badinaia tauna be iena huahua momo ia atoa, badina be lau dekenai bema umui badinaia lasi, umui be gau ta do umui karaia diba lasi.

Lauegu lalona dekenai do umui noho, lau danu umui emui lalona dekenai do lau noho. Rigi be sibona huahua do ia atoa lasi, to bema vain auna do ia badinaia, be huahua do ia atoa. Vadaeni unai bamona bema umui badinaia lasi lau dekenai, umui emui huahua do ia atoa lasi.

“Bema lau do umui badinaia, bona egu hereva be emui lalona dekenai idia noho neganai, emui ura gaudia dekenai do umui noinoi, vadaeni unai gaudia do umui abia.

“Umui ese lau umui abia hidi lasi. Lau ese umui lau abia hidi, bona emui gaukara lau henia umui dekenai, vadaeni do umui lao, emui huahua do idia atoa, do idia noho hanaihanai. Unai dekena amo lauegu ladana dekenai Tamana do umui noia gaudia ibounai, be ia ese do ia henia umui dekenai.

Lalokau namo herea momokani be inai, tau ta ese ena mauri do ia atoa diho, iena turana totona.

Lauegu rigi ibounai bema huahua idia atoa lasi, be egu Tamana ese ia kokia. Mai huahua rigi ibounai be ia ese ia utua kwadogi, do idia goeva, bona huahua momo do idia atoa totona.

“Lauegu taravatu be inai, umui ta ta umui lalokau henia, lau ese umui lau lalokau henia hegeregerena.

Bema huahua momo do umui atoa neganai, egu Tamana be taunimanima ese do idia hanamoa. Unai dekena amo lauegu diba tahua taudia korikori do umui lao.

“Lau be vain korikori, egu Tamana be vain edia uma gabu naria tauna.

Tau ta bema lau ia badinaia lasi, be do idia nega momokani, rigi bamona, vadaeni do ia kakoro. Rigi unai bamona be do idia haboua, lahi dekenai do idia negea daekau, do idia araia ore.

“Inai bamona lau hereva vadaeni umui dekenai, lauegu moale be umui emui lalona dekenai do ia noho totona, vadaeni umui emui moale be do ia momokani.

Bema umui ese lauegu taravatu do umui badinaia, vadaeni egu lalokau dekenai do umui noho, lau hegeregerena, egu Tamana ena taravatu lau badinaia, vadaeni iena lalokau dekenai lau noho.

Lauegu taravatu be inai: Umui ta ta do umui lalokau henia.

Bema umui be tanobada ena taudia momokani neganai, tanobada taudia ese umui do idia lalokau henia. To umui be tanobada ena lasi, lau ese tanobada dekena amo lau abia hidi umui, unai dainai tanobada ese umui do ia badu henia.