Popular Bible Verses from Lucas 18

Share

Jesús tsi' su'be xcʌnt'añob i cha'añ jump'ejl lajiya ti cʌntesa cha'añ mi' cha'leñob oración ti pejtelel ora cha'añ ma'añic mi' lujb-añob.

Ixcu Dios, ¿mach ba muq'uic i melben i mul jiñi mu' bʌ i contrajin jiñi yajcʌbilo' bʌ i cha'añ, mu' bʌ i chʌn pejcañob ti q'uiñil yic'ot ti ac'ʌlel? ¿Jal ba mi' caj i jac'beñob? Mic su'beñetla, ti ora mi caj i melbeñob i mul i contra; pero che' mi' tilel i Yalobil Wiñic, ¿mu' ba caj i taj ti pañimil jiñi mu' bʌ i ñopob?

Jesús tsi' su'beyob: —Jiñi mach bʌ añic mi mejlel i mel wiñicob mi mejlel i mel Dios, —che'en.

Tsa' ñumi ca'bʌl ora cha'añ mach yomic i coltañ jiñi x'ixic. Ti wi'il tsa' caji i bajñel al ti' pusic'al: “Anquese ma'añic mic bʌc'ñan Dios, yic'ot ma'añic mic p'is ti' wenta wiñicob, pero ili me'ba' x'ixic ca'bʌl woli' mʌctʌbeñon q'uiñ. Jiñi cha'añ mi caj c cha'len toj bʌ meloñel ti' tojlel, ame chʌn tilic i mich'esañon”, che'en jiñi xmel mulil.

Ti isujm mic su'beñetla, jiñi mach bʌ añic mi' ch'ʌm ti' wenta i yumʌntel Dios che' bajche' alob, ma'añic mi caj i yochel, che'en.

Pero Jesús tsi' pʌyʌyob tilel, tsi' su'beyob: —La' tilicob alobob ba'añon, mach mi la' mʌctañob come i cha'añob i yumʌntel Dios.

Jesús tsi' su'be: —La' c'otic a wut; tsa' coltʌntiyet cha'añ tsa' ñopoyon, —che'en.

Jesús tsi' su'be: —¿Chucoch ma' wʌl weñon? Ma'añic majqui wen, jiñi jach Dios.