Popular Bible Verses from Hechos 1

Share

E mpëktëp miits ja mëk'ajtën ko ja Kënu'kxymyëkajtën mtukëta'akëtëty ets xykyajpxwa'kxtëty mëti'ipë të xy'ixtën ëjtskyëjxm; jëtu'unts xynyikajpxtëty jam Jerusalén, Judea y'itjotm, Samaria ets ma tu'kë'ëyë it naaxwiinyëtën.

Tääts ja Jesús y'ëtsooy: Ka'ap myiitsëty mpaatëtë xynyijawëtëty ja xëëw mëti'ipë ja Tios Teety të tuknipëjktaakën mëët ja kyutujkën.

Tëkok ënäty ja ijxpëjkpëtëjk jam tmëëtkaytyë ja Jesús ets y'ënëmaayëtë: Ka'ap mnatsoontëty yaa Jerusalén. Owxitë mëti'ipë Tios Teety të twaantä'äkyën ma miitsëtyën, mëti'ipë të ntukmëmëtya'aktën. Tëy ko ja Juan yajnëëpejty mëët ja nëë, miitsëty tsojk mnëëpäta'antë mëët ja Kënu'kxymyëkajtën.

Tëë ënäty y'ooky, ko jatëkok nyänyikëxë'kë juuky kanaak ok, ets jëtu'un ja y'ijxpëjkpëtëjk ojts tuknijawë ko juuky'ajtp ënäty. Wëxtyikxy xyëëw ja y'ijxpëjkpëtëjk nyätyuk'ijxë, tukmëmëtyä'äky ja Tios ja kyutujkën.

Ko ja Jesús kyajpxtaay, tääts nän jämyë ijxwintë'kxyë tsyajpejty ets yu'tsëy ja yoots.

Tam ënäty pya'at'ixtë tsajpjotm ko ja Jesús tsyajpety, mäjtsk ja ye'etyëjk ajotkumonë kyëxë'ktë jam pyë'amëty, aak poopxoxy yaj'ixtë, ets y'ënëmaayëtë: Miits, Galilea ja'ayëty, ¿tii mpa'at'ijxtëp jam tsajpjotm? Ya'atë Jesús mëti'ipë të xy'ixtën pya'tëkë tsajpjotm, jëtu'un jatëkok myina'any yaa naaxwiiny.