Popular Bible Verses from Juan 15

Share

Ëjts jëtu'un ijxtëm ja tsatym yonën ets miitsëty ijxtëm ja tsatym xe'entyën. Pën ijtp tu'ukyë mëët ëjts etsës tu'ukyë mëët yë'ë, tëëm'ataanp may; jä'ä ko pën ëpëky mnäyaj'itëtë, ka'ap nitii xytyuntëty.

Itë tu'ukyë mëët ëjts etsës n'itëty tu'ukyë mëët miitsëty. Tu'kxe'entypë kepy ka'ap tjëkyepy ets tyëëm'atëty ko kya'itëty tu'ukyë mëët ja myëjkepy; näjyëtu'un miitsëty ka'ap tjëkyepy mtëënmpätëty pën ka'ap tu'ukyë myajpaatë mëët ëjts.

Pën tu'ukyë m'itë mëët ëjts ets myaj'ijtëp jap m'aawjoty mjootjoty ja n'aaw n'ayukës, oy tii xytyim'amëtowtëty nëjkxëp myajmo'otë.

Ka'ap myiits'atë të xywyinwitstës, ëjts miits të nwinwitstë ets të ntuknipëktë m'itëty ijxtëm ja tsatym xe'entyën mëti'ipë may tëëm'ajtpën ets y'itëty xëmëkyëjxm mëti'ipë mtuuntëpën. Jëtu'un ja Tios Teety mmo'oja'anëtë tëkokyë mëti'ipë m'amëtoowtëpën ëjts nxëëwkyëjxm.

Ni pën tsojkën jëtu'un tkamëëtëty ijxtëm ya'atën ko pën tyäky ja jyuukyajtën ko ja myëku'uk ttsoky tjawë.

Ko tu'uk ja tsatym xe'enty ka'ap tyëëmyäky, tääts tkatspuxy; e ko tyëëmyäky ni'ikyë twinpëky twintuny ets nëpuxy nëpooty mëti'ipë atsijpën tääts yajxon tyëëm'atëty.

Yë'ës ya'atë n'ënä'ämën'ajtyp: Nätsyokëtë nixim niyam, ijxtëm ëjts miits të ntsoktën.

Jëtu'un ënäty xyajnikëxë'ëktë ja nTeetyës ja myëj'ajt y'oyajtë ko mtëëmpätëty may ets tjëkyäpëty wi'ix myajtijtëtyën ko miits n'ijxpëjkpë'atë.

Ënät ja Jesús jyaak mëtyäky: Jëtu'unës ëjts ijxtëm ja mëtëypyë ja tsatym aatsën, ets nTeetyës, yë'ë ja tsatym nyiyu'ujëp.

Pën ka'ap y'ity tu'ukyë mëët ëjts, jëtu'un tpaaty ijxtëm ja tsatym xe'enty ëpëky y'ityën mëti'ipë yajpëjkmujkpën ets yajnino'oky.

Paaty jëtu'un nëëmëtë ets mxoonta'aktëty mëët ëjts ets ja mxoontakën kya'pxtëty.

Pën mpatuuntëp ja n'ënä'ämënës, myajpaatantëp jam maas ja ntsojkën nja'awënën, jëtu'un ijxtëm ëjts npatunyën ja nTeetyës ja y'ënä'ämën etsës nyajpaaty ma ja tsyojkën jya'awënën.

Yë'ë miits ya'atë ntuk'ënä'ämtëp: Nätsyokëtë nixim niyam.

Ko jeexyë miits näjyëtu'un m'ëtë'ëtstë ijxtëm yë'ëjëtyën, mtsojkëtëp jeexyë ijxtëm tsoktën ja jyä'äy. E jä'ä koos miits të nwin'ixtë ma ja ja'ayëtyën mëti'ipë yajtuuntëpën ja naaxwiinyëtë winma'any ets ka'ap jëtu'un m'ëtë'ëtstë ijxtëm yë'ëjëtyën, paaty mka'oy'ixëtë.