Popular Bible Verses from Juan 17

Share

Kënu'kx mëët ja tëyajtën ets mijts xytyuk'oy'atëty; jä'ä ko yë m'aaw m'ayuk tëy'ajtën'ajtën yë'ë.

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Tios Teety, ka'apës yi'iyëty nni'amëtow nnipëjktsowë mëti'ipë tyam mëpëjktëpën, näjyëtu'un mëti'ipë mëpëkantëpnëm ko tmëtowtëty ja aaw ayuk mëti'ipë yë'ë nyikajpxantëpën. N'amëtoy npëjktsoy ets tu'ukyë y'itëty; ijxtëmës tu'ukyë n'ityën mëët mijts ets mijts tu'ukyë mëët ëjts. Näjyëtu'unës n'amëtoy ets tu'ukyë y'itëty mëët ëëtsëty ets tmëpëktëty ja naaxwiinyëtë ja'ayëty ko mijtsës të xykyexy.

Ka'apës n'amëtoy ets xyajpëtsëmëty yaa naaxwiiny, yë'ëjës n'amëtoopy ets xy'akëëytyuk xy'axajtukëty ma ja ka'oypyën.

Tëës nmo'otë ja mëj'ajt oyajtën mëti'ipës mijts të xymye'eyën, jëtu'un tu'ukyë y'itëty, jëtu'un ijxtëm ëëtsajtëmën tu'ukyë nyajpatëmën. Jamës nyajpaatëty tu'ukyë ma yë'ëjëtyën ets mijts myajpaatëty tu'ukyë ma ëëtsëtyën, jëtu'un ja naaxwiinyëtë ja'ay nijawëtëty ko mijts të xykyexyës ets ko xytsyoky xyjyawë ijxtëmës mijts xytsyokyën.