Popular Bible Verses from Le 2

Share

Kră Yang 'Bok Kei-Dei kơtơ̆ng tơdrong ơh sơ'ngon pơmat-tat lu sư, 'blŏk hơdơ̆r tơdrong pơgơ̆p hăm Abraham, Isăk păng Jakôp. Kră Yang 'Bok Kei-Dei 'bôh mơnat kơ kon pơlei Isơrael, băt kơ tơdrong truh kơ lu sư pơmat-tat.

Đunh 'biơ̆ đơ̆ng noh, Pơtao dêh Êyiptơ lôch; Kon pơlei Isơrael ôr krao yua kơ tơdrong pơm đĭch bơ̆jang gleh pơmat-tat: Nơ̆r krao ôr pơmat-tat truh tơ Kră Yang 'Bok Kei-Dei.

Truh wơ̆ 'lŏ wao boih, mĕ sư chông ba sư năm ăn kơ kon adruh pơtao, kon adruh pơtao iŏk pơm kon, sư krao anăn noh Môisa yua kơ sư khan: Đêl inh iŏk pơklaih sư đơ̆ng đak.

Kon adruh pơtao khan kơ sư: “Iŏk bĕ nge âu tơ hnam wei rong tơmŏm sư ăn kơ inh; inh gô apah ih jên wei rong.” Sư pôk kơ'mĭn iŏk nge ei na tơmŏm hloi.

Na truh kon adruh pơtao Pharaôn năm jur hum tơ đak krong, dôm lu đam sư dăr ngôi kiơ̆ jih đak krong ei; kon adruh pơtao 'bôh bai hre noh tơ lăm 'nhĕt trang na sư krao lu đam sư ei pôk iŏk hơtŏk kơ sư.

Lăm minh năr, Môis 'lŏ hlôh băt tôm tơdrong boih. Sư năm ngôi tơ lu 'nhŏng oh sư, sư 'bôh tơdrong jang lu 'nhŏng oh sư pơmat-tat; na 'bôh minh 'nu bơngai Êyiptơ tôn teh bơngai Hêbrơ lăm lu 'nhŏng oh sư kơdih, sư chă lăng jum dăr ưh kơ đei 'bôh bơngai bu, na sư pơlôch bơngai Êyiptơ klaih kơ noh sư 'bŭ ôn lê̆ lăm chuơh.