Popular Bible Verses from Le 7

Share

Kră Yang pơma hăm Môis khan: Lăng, Inh pôk ih nhen thoi Kră Yang 'Bok Kei-Dei kơ Pharaôn, na Arôn 'nhŏng ih gô thoi bơngai khan lê̆ adrol ăn kơ ih.

Inh gô pơm ăn kơ Pharaôn jơhngơ̆m arăng ưh kơ chu păng Inh pơthim lơ tơdra mơsêh hlĭch chrơp Inh tơ lăm dêh Êyiptơ. Mă-lei Pharaôn ưh kơ 'maih mơ̆ng ih ôh; Inh gô yơ̆r ti dan kơpal teh Êyiptơ, yua lơ tơdrong phak tih, wă iŏk tơlĕch lu khŭl linh Inh, lu kon drŏ-nglo Isơrael đơ̆ng char Êyiptơ.

Layơ mă Inh pơm kơ dêh Êyiptơ păng dui iŏk kon pơlei Isơrael lĕch đơ̆ng lăm kon pơlei Êyiptơ, lei lu sư gô băt kơ Inh boih Kră Yang.

Na Pharaôn krao hloi lu 'bok hơgei păng 'bok pơjâu; lu bơngai gơh pơm tơwir lăm char Êyiptơ kư̆m pơm lei-lăi thoi lu sư gơh tơwir. Rim 'nu lu sư klơ̆m 'long jra tă kơ jing 'bih ngăl; mă-lei 'long jra Arôn luăn lê̆ đĭ 'long jra lu sư.

Kră Yang khan: Đơ̆ng tơdrong 'nâu, ih gô băt Inh boih Kră Yang: Na iŏk 'long jra Inh teh tơ đak krong Nil, đak krong gô jing pham.

Tơdah Pharaôn athei măr iĕm pơm tơdrong mơsêh iĕm; ih athei khan kơ Arôn: 'Nhŏng ih athei iŏk 'long jra, klơ̆m 'bơ̆t anăp Pharaôn, 'long jra 'noh gô jing minh dăng 'bih. Na, Môis păng Arôn năm 'bơ̆t anăp Pharaôn păng pơm kiơ̆ thoi nơ̆r Kră Yang tơtă boih. Arôn klơ̆m 'long jra sư 'bơ̆t anăp măt Pharaôn păng lu đam sư, 'long jra noh jing minh dăng 'bih.