Popular Bible Verses from Le 9

Share

Mă-lei yua kơ tơdrong 'nâu Inh rong ih arih wă kơ ih 'bôh tơdrong mơsêh Inh, wă kơ anăn Inh đei ră roi kơtơ̆ng ư-ang jơ̆p-jang kơ teh đak.

Kră Yang khan kơ Môis, năm bĕ tơ Pharaôn tơbăt kơ sư, Kră Yang 'Bok Kei-Dei kon pơlei Hêbrơ, đei khan: Achăng bĕ lê̆ kon pơlei Inh năm, wă kơ lu sư kơkuh kơ Inh

Tơdah, Inh yơ̆r ti, teh tôn ih kon pơlei ih hăm tơdrong jĭ apoh, lôch hiong đĭ-đăng lăm teh âu.

Lei ti mơsêh Kră Yang gô pơm kơ lu sem dơrong ih oei tơ tơmăn glă, pơm kơ aseh, aseh iĕ, lăk-đa, rơmo, bơbe păng triu: Gô lôch kơ toi. Kră Yang gô klah lê̆, sem dơrong lu bơngai Isơrael ưh kơ đei minh pôm lôch kơ toi, sem dơrong lu bơngai Êyiptơ đei lôch kơ toi đĭ.

Lei dơning trŏ jơ 'nâu, inh gô ăn plĕnh đei 'mi prĕl tih, lăm dêh Êyiptơ mă đơ̆ng blŭng-a sơ̆ khơ̆ dang ei ưh tam mă đei 'mi prĕl tih lei-lăi thoi năr noh. Lei na mă tĕnh dang ei athei bơngai năm dui puh akŭm sem dơrong ih păng đĭ-đăng lu tơmam ih đei đơ̆ng mir chŭn wih tơ hnam wă huay truh kơ sư. Yua kơ 'mi prĕl gô jruh huŏng 'bơm bơngai păng sem dơrong tơ tơmăn glă tơ mir noh tơdah ưh kơ đei bu puh brŏk tơ hnam lei lu sư gô lôch đĭ.

Tơnuh ŭnh gô jing 'mui păr jơ̆p-jang kơ dêh Êyiptơ păng pơtôch pơchah đuh lĕch đơ̆ng akâu bơngai păng sem dơrong jơ̆p-jang lăm dêh Êyiptơ. Na bre sư chup tơnuh đơ̆ng tơnuh ŭnh, dơ̆ng 'bơ̆t anăp Pharaôn, Môis săi tơnuh ŭnh tơ kơpal, jing pơtôch pơchah lĕch đak đuh đơ̆ng akâu bơngai păng sem dơrong lu sư.