Popular Bible Verses from Yo 14

Share

“Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli.

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Yêsu oei pơma kơ lu sư thoi âu: “Na dang ei iĕm athei chơ̆n jơhngơ̆m iĕm 'nĕ kơ hli tơdrong kiơ. Iĕm adrin lui kơ 'Bok Kei-Dei păng lui kơ Inh.

'Bok Dŏng iĕm ei, anăn Sư Yang Bơhngol 'Lơ̆ng, Sư 'noh 'Bă Inh wă wơh Sư jur oei păng iĕm jang tang Inh. Sư gô bơtho iĕm tôm tơdrong păng Sư gô tơ'blŏk ăn kơ iĕm tôm tơdrong mă Inh bơtho iĕm boih.

“Bơngai bu răk dôm tơdrong Inh pơkă, bơngai 'noh boih 'mêm kơ Inh tơpă. Bơngai bu 'mêm kơ Inh, 'Bă Inh kư̆m 'mêm kơ sư mơ̆n; păng Inh kư̆m 'mêm kơ sư na Inh tơbăt kơ sư akâu Inh.”

na Inh gô apinh 'Bă Inh ăn kơ iĕm minh 'nu dŏng iĕm plơ̆ng dơ̆ng, anăn Sư Yang Bơhngol 'Lơ̆ng. Sư gô tơbăt ăn kơ iĕm tơdrong 'Bă Inh tơpă păng Sư gô oei hơdai hăm iĕm ling-lang. Lu bơngai oei ala teh âu mă ưh kơ lui, lu sư ưh kơ gơh sơng iŏk Sư ôh, kơlih kơ lu sư ưh kơ gơh 'bôh Sư păng ưh kơ băt kơ Sư. Mă-lei iĕm, iĕm băt kơ Sư, kơlih kơ Sư oei păng iĕm, Sư kư̆m gô oei lăm jơhngơ̆m iĕm mơ̆n.

Dôm tơdrong iĕm apinh Inh, dah iĕm krao wơ̆n păng anăn Inh wă kơ Inh ăn kơ iĕm tơdrong kiơ Inh gô ăn kơ iĕm tơpă, wă kơ đe ư-ang 'Bă Inh, yua kơ đe 'bôh Inh Kon Sư ăn kơ iĕm dôm tơdrong iĕm apinh. Dah iĕm krao wơ̆n păng anăn Inh, iĕm apinh Inh wă tơdrong kiơ, Inh gô ăn kơ iĕm tơpă ưh kơ jor ôh.

“Dah iĕm 'mêm kơ Inh, lei iĕm chu dôm tơdrong Inh pơkă hŏ

Tơ hnam 'Bă Inh đei lơ anih oei tơpă. Dah ưh kơ đei Inh kư̆m khan ưh kơ đei mơ̆n. Na dang ei Inh wă năm hơmet kơ iĕm anih.

Đơ̆ng rŏng kơ Inh năm hơmet kơ iĕm anih oei, Inh gô jur tơ âu dơ̆ng, Inh wă anhăk ba iĕm tơ anih Inh; na iĕm oei hơdai hăm Inh ling-lang tơ ei.

Na Thôm khan: “Ơ 'Bok, nhôn ưh kơ băt Ih năm tơ yơ, thoi yơ nhôn gơh chă trong năm tơ Ih?”