Popular Bible Verses from Yo 16

Share

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Mă-lei lăp Yang Bơhngol 'Lơ̆ng mă tơbăt ăn kơ iĕm tơdrong 'Bok Kei-Dei ei truh, Sư bơtho ăn kơ iĕm tôm tơdrong 'Bok Kei-Dei. Sư ưh kơ bơtho tơdrong Sư kơdih ôh, Sư bơtho iĕm dôm tơdrong Sư kơtơ̆ng đơ̆ng 'Bă Inh. Sư kư̆m bơtho gah tơdrong ning-mônh mơ̆n.

Iĕm athei apinh 'Bă Inh, thoi âu: Yua kơ nhôn lui kơ Kon Ih Yêsu na nhôn apinh Ih wă kơ Ih ăn kơ nhôn tơdrong noh. Iĕm apinh Sư thoi noh, gô đei kơ iĕm tơpă. Thoi noh na iĕm chơt hiôk chhơp kơ jơhngơ̆m iĕm tơpă. Mă-lei đơ̆ng sơ̆ khơ̆ dang ei iĕm tam mă krao khan apinh Sư thoi noh 'mơ̆i.

Inh khan kơ iĕm tơpăt, Inh brŏk tơ 'Bă Inh đĕch 'lơ̆ng hloh dang ei. Dah Inh ưh kơ brŏk tơ Sư dang ei lei 'Bok Dŏng Mơnat ưh kơ jur tơ iĕm ôh. Inh jah brŏk na Inh wơh Sư jur tơ iĕm. Lăp Sư jur, Sư tơbăt ăn kơ lu bơngai ala teh âu lu sư đei tơdrong yoch; Sư tơbăt ăn kơ lu sư Inh, Inh 'lơ̆ng tơpăt; păng tơbăt kơ lu sư gah tơdrong 'Bok Kei-Dei wă phak lu bơngai ưh kơ lui kơ Sư.

Iĕm kư̆m thoi noh mơ̆n. Dang ei iĕm sơ'ngon. Mă-lei Inh gô tơ'bơ̆p iĕm dơ̆ng na jơhngơ̆m iĕm chhơp hiôk chơt tơpă, ưh kơ đei bu gơh pơm kơ iĕm sơ'ngon dơ̆ng. “Hơtai ei kơnh iĕm huay pă kăl jet Inh dơ̆ng boih mă tôm tơdrong kiơ kiơ. Inh khan kơ iĕm tơpăt, kơlih kơ iĕm bơngai lui kiơ̆ Inh na 'Bă Inh gô tơgŭm ăn kơ iĕm dôm tơdrong iĕm apinh Sư.

Inh khan kơ iĕm tơpă wă kơ iĕm băt: Pă 'biơ̆ lu iĕm nhơ̆m hmoi ơh ol. Mă-lei lu bơngai ala teh âu 'nă hal. Pă 'biơ̆ mơ̆n jơhngơ̆m iĕm gô sơ'ngon, klaih kơ noh iĕm gô chhơp dơ̆ng.