Popular Bible Verses from Luk 23

Share

Na Yêsu khan kơ 'Bă Sư 'Bok Kei-Dei thoi âu: “Ơ 'Bă, apinh Ih 'nĕ jô̆ yo kơ lu sư, yua kơ lu sư ưh kơ băt lu sư oei pơm kiơ ôh.” Na lu linh ei pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.

Yêsu khan kơ sư: “Inh khan kơ ih tơpă, năr âu hloi boih ih gô oei hơdai păng Inh tơ Pơlei 'Lơ̆ng 'Bok Kei-Dei.”

Na bơngai ei khan kơ Yêsu thoi âu: “Ơ Yêsu, apinh Ih mơnat kơ inh 'biơ̆ hŏ lăp Ih pơm Pơtao nhôn ning-mônh.”

Yêsu pơma 'bơ̆r re khan: “Ơ 'Bă, Inh pơjao ăn kơ Ih Bơhngol Inh.” Na lăp Sư pơma đang boih, na Yêsu kơtĕch jơhngơ̆m hloi.

Lăp lu sư truh tơ anih đe anăn anih kơting kơ̆l bơngai lôch, na lu sư pơ̆ng Yêsu tơ 'long pơglang tơ noh. 'Bar 'nu bơngai yoch noh hei sư kư̆m pơ̆ng hơdai păng Yêsu mơ̆n, minh 'nu gah 'ma, minh 'nu gah 'ngiĕo kơ Sư.

Lăp 'năr dơ̆ng 'bôh glĭp kơ măng mu pă đei hơdah jơ̆p-jang kơ teh đak truh tơ pêng jơ kơsơ̆. Na che đe dăng pơgăn tơ hnam akŭm 'Bok Kei-Dei tơm kư̆m tơhek chuơ̆ng tŏk-bŏk mơ̆n.

'Bok tih linh 'bôh dôm tơdrong Yêsu lôch noh na sư ư-ang kơ 'Bok Kei-Dei khan: “Bơngai 'nâu Sư bơngai 'lơ̆ng tơpăt ưh kơ đei pơm yoch kiơ ôh.”