Popular Bible Verses from Cäk 45

Share

Ku ënɔɔnë, duökï göth. Ku duökï röt gäk wapäc, në luɔi cä wek ɛn ɣɔ̈c kɔc ke Rip. Ee Nhialic ë yic Yen aa tuuc ɛn në wenïïm tueŋ. Ke yɛn bï kɔc kony wëi.

Ka acie wek ë tooc ɛn wei. Ee Nhialic Yen ë tuuc ɛn eenë. Ku tɔ yɛn ee bɛ̈nydïït de melik. Ago melik ɛn tɔ ye bɛ̈ny ë wunde ëbɛ̈n. Ka yɛn ee bɛ̈ny ë Rip ëbɛ̈n ënɔɔnë.

Ku Nhialic aa tuuc ɛn në wenïïm tueŋ, ke we bä bɛ̈n luök wëi në ee kueer gɛ̈ɛ̈i yë. Ke we bï poth në thuɔɔu thok, wedhie në mïthkun ëtök.

Go Jothep lɛ̈k keek an, “Wek läŋ, cuötkï röt ë yalɔ̈ɔ̈m tëthiɔ̈k.” Agokï röt cuöt në yelɔ̈ɔ̈m. Ago Jothep lɛ̈k keek an, “Ee yɛn Jothep mänhëduön wään bäk ɣɔ̈c Ripë.

Tiëŋkï, kënë ee ruöön ye run ke cɔk rou piny ë Rip. Ku run kɔ̈k kadhïc aŋootkï wei. Run cïn piny bï puur, ku cïn kë bï tem thïn.

Ago Jothep lɛ̈k mïthëkɔcken an, “Ee yɛn Jothep mänhëdun, wää ŋoot ke pïïr?” Na wën, apiŋ ë mïthëkɔcken ee jamë, ke cïkï puk nɔm. Acïk bɛ̈n riɔ̈ɔ̈c arëët.