Popular Bible Verses from Jɔn 5

Share

“Wek yɔ̈ɔ̈k ëyic an, Raan piŋ wëlkï, ku gɛm raan ë toc ɛn, ka cath ke pïïr athɛɛr, ku acïn gääk bï tääu ë yeyeth, acï bɛ̈n bei ë thuɔɔuwic, le të nu pïïr.

Na wën, acï Yecu e tïŋ adhɔt piny, ku ŋic nɔn cï e töök ë run juëc, ke jɔ thiëëc an, “De yï piɔ̈u nɔn bï yïn guöp pial?”

We ye kacïgɔ̈ɔ̈r cök ë kuɛɛn wek keyiic, luɔi aa wek e lueel an, yak pïïr athɛɛr yök në keyiic, ku kakë ayek cäätɔɔkï, ku wek ee rɛɛc bɛ̈n tëde yɛn, bäk pïïr bɛ̈n yök.

Go Yecu yɔ̈ɔ̈k an, “Jɔt rɔt, jɔt biöŋdu, cathë.” Go raan guöp waar ënɔnthiinë, go biöŋde jɔt, ku ciɛth. Ku ëköölë ee kööl ë Thabath.

Go Yecu bɛ̈ɛ̈r, yöök keek an, “Wek yɔ̈ɔ̈k ëyic, an, Wënde acïn kën ee lëu etök, ee kë cï tïŋ aye Wääda looi, yen aye looi: käŋ kedhie kak ee Wääda looi, kek aye Wënde ke looi ayadäŋ.