Popular Bible Verses from Kuɛ̈n 14

Share

Duökï göth në Bɛ̈nydït, ku duökï riɔ̈c në kɔc cieŋ piny. Abuk keek rum ëthiäu, Bɛ̈nydït atɔ̈u ke wook, ku ë yiëth tiaam, yiëth wään ee keek kuɔny. Ka week duökï riɔ̈c.

“Ee Yɛn Bɛ̈nydït, yɛn cïï piɔ̈u ee dap diu. Ku yɛn tɔ̈u wokë nhiëër agɔk, ku päl de awɛ̈ɛ̈c. Ku këdï acïï nɔm ee lööny piny, yɛn ee mïth luöi këtuc, ayï mïthken në awäny ë wärken ayï kuarken!

Na mit Bɛ̈nydït piɔ̈u ke wook, abï gäm wook, ee piny ë kuɛth piny ŋic luɔk.

Ku në biäk nu Kalep, awundï ke wuöc ke keek, ku ŋoot ke riëëu Ɛn, abä bɛ̈ɛ̈i piny wään cï lɔ caath, ku piny abï lɔ̈ɔ̈k aa piny de mïthke.

Ka week lɛ̈kkï keek an, “Acïï Bɛ̈nydït lueel an, ‘Yɛn ë kuëëŋ në rëërdï yic ëbɛ̈n nɔn bän ke cäk lueel ke piɛŋ looi cït man ë kë kaarkï. Ee yɛn aa luel ee kënë yɛn Bɛ̈nydït.

Go Bɛ̈nydït lɛ̈k Mothe an, “Kɔckë bïk jɔ cieŋ ë ke biɔn Ɛn guöp agut cï nɛn? Bïk Ɛn jɔ gam nɛn? Yɛn ë göök gɛ̈ɛ̈iyë ke juëc looi në keyiic, ku aŋootkï ke ke cïï ya gam.

Aake dok në Mothe kekë Aron, go akutnɔm ëbɛ̈n lueel an, “Aŋuän na ë wo cï thou piny ë Rip, ku nɔn thouku në ee jɔ̈ɔ̈r manë yic eenë!

Ago Jocua wën ë Nun gɔ̈th ku ret lupɔɔke yiic, ku ret Kalep wën ë Jepuna lupɔɔke yiic ayadäŋ. Ku keek kaarou ayek nëëm ë cï piny lɔ caath në nëëm. Gokï lɛ̈k akutnɔm de kɔc ke Yithriɛl cï guëër an, “Yen ee piny wään ciɛɛthku yicë, ee piny piɛth arëët.

Ku ë yic, cït man täu Ɛn në ee pinyë nɔm, ku cït man bï kɔc ke piny nɔm thiäŋ në dhuëëŋdï kedhie, acïn raan tök në ee kɔckë yiic bï tɔ̈u abï ɣet piny cä than. Acïk riaudïït lɔ wic tïŋ, riau de dhuëëŋdï, ku tïŋkï göökdït ke gäi ɣɔn bä looi Rip, ayï jɔ̈ɔ̈ric ayadäŋ, ku ŋootkï ke ke ye ya them ë cieŋ, ku reeckï këdï gam. Acïkï duëër kɔn lɔ piny wään thɔ̈n kuarken ananden. Acïn raan töŋ de ee kɔc reec Ɛn bï kɔn lɔ thïn ë tɔt.