Popular Bible Verses from Ehanita Lefahat 2

Share

Itarraŋ nyia Petro isi jiojio, “Ijiara itai 'daŋ ababo idehina eyyata hatai. Ifuotuna batisimo ta afure ono Yesu, oŋida eyyata hatai ohohinie. Ittata adi itai ifuotuna esiorio ono Hollum, inyi Loholio Olibo.

Ogolihini nyia isi jio ettiyenita huno lefahat iko ettubit ono eluluŋ heruhok, oŋiyetie buo fe omojotie arabotie ikosi.

Tania, ette Loholio Olibo ifut jihosi 'daŋ, ette isiarana jihosi agolon, ette isi itterio ikiana te etuhe lufajak.

Teya teya, itayiruno nyia etiri tedou ihuo noyyami onno ohut 'to bebe, ette ikuatan jio aati hunyia owoni 'to itua haji. Teya, oleyehino nyia obo ariŋ jihosi anna ara ihuo aŋadief hima, ette isarrahina jihosi 'daŋ ababo. Tania, ette Loholio Olibo ifut jihosi 'daŋ, ette isiarana jihosi agolon, ette isi itterio ikiana te etuhe lufajak.

Ottubatie nyia isi motie motie itua Haji Emojit enne ittokon, buo fe ittaŋarai ihaŋitek hosi ta amuno iko ta alibori tajia. Itahabuyetie nyia isi Hollum, buo aati 'daŋ ette imuno isi. Motie motie, ofuanatta nyia Lamonye, iluluŋ heruhok, aati hunyia italahuttai.

‘Ojio Hollum jio, inyi ania ariŋ anna alo ni ihan jio oŋitek esidita: esiarak adi ni Oloholio hoŋ jio aati 'daŋ ababo. Ikianai adi lonyirok iko ŋarriok hatai asayyo hoŋ; oleyehinie adi omuk erre ihuo arigiai jio anyarhalu hatai. Irigiai adi buo fe amaruak hatai.

Amanyai nyia eruhok 'daŋ eluluŋ abotie buo fe ohori asaŋ hosi 'daŋ arabotie. Itinyiaŋari nyia isi erre iko esamiti hosi, buo isi 'daŋ ette ihor agurusi hua te ewahiti hosi gele gele.

Buo diya, italahuni adi lia ollo omojo 'to aluahio jio Lamonye.’

Oyito adi oloŋ edumele, buo ayafa oyito ariet ihuo nooto, hobeŋ attuna ono Noloŋ ono Lamonye, inyi noloŋ enne ittokon, onno ohu 'to bebe.