Popular Bible Verses from Yoane 16

Share

Eramak nyia ni erre hunia jihatai jio, oŋida iwanata iko nelik tajia te enoso hatai ikoŋ. Irumana adi itai ettigemita jio afau ana. Ati itagoloto atajia! Nyio, etattur ni egoliti huno afau ana!”

Ati alla attu Oloholio elle italeyehi 'to elahode ono Hollum, ottu adi inyi itahutaru itai jio erre 'daŋ huno nelahode. Obeŋ adi inyi ottu ikiana erre te elohittok ottononyi. Ikiana adi inyi erre hunne itaniŋu inyi, buo fe iramak jihatai erre hunno ofuoi 'to iduoŋ.

Many iko ahana hèbiaŋata itai imojoti obo ariŋ ta afure hoŋ. Omojoti, buo isiori adi jihatai jio, oŋida bati amuno hatai ottuba.

Hode hode, eramak ni itai, iyyak adi jihatai alla alo ni addi, nyio, alla abeŋ ni alo addi, obeŋ adi aluahani ottu jihatai. Buo alla alo ni, efahu adi ni inyi jihatai. Alla attu aluahani alia, ottu adi inyi itahutana jio aati hutta fau jio, ipali egigilita hosi te eram ono eyyata iko ono abisan ihosiere Hollum, buo ono aŋocio hiram.

Ara buo fe inyi ihuo nyia jihatai. Ihawwati itai ihuania, ati attu adi ni inyiak imijaru itai, oŋida atajia hatai omunoi bebe. Obeŋ adi tulo oremik iduhara addi amuno ania jihatai. “Jio oloŋ nyia, ibiaŋata adi itai imojoti obo ariŋ jihoŋ. Hode hode, eramak ni itai jio, elle imojoti itai obo ariŋ jio Monye ta afure hoŋ, isiarak adi inyi jihatai.

Hode hode, eramak ni itai jio, iyyooti adi itai buo fe iloliati, buo aati hutta fau omunoi. Ijiriŋati adi itai, ati oyito adi ejiriŋa hatai amuno.