Popular Bible Verses from Gwøg 2

Share

Kɑ ge köbbi yi Pïtør kinni, “Yewi wun, kɑ wu jwɑ̈ɑ̈g, wu bënn, ki nyingi Yëso Mesiy, o lɑ́ɑ̀w dwöög piny kipe orøøg wun, o wu yïddi wun ki Wëykwërø, men-ɑ ómuuj yi Jwøk.

Kɑ pëthi gen cïb gen kömi møg-ɑ pwönyi yi tyëngwöödø, kí cyɑ̈dhø kì kömi gïjø ɑ́kyel, kí pødi ópun, geki kwɑjji Jwøk.

Kɑ pëthi gen bënn opɑ̈ngø yi Wëykwërø, kɑ ge ócɑ̈gø kwøb ki dhøg møøgø, ni kɑ ɑ́thödhi gen yi Wëykwërø ki dhøgg-ɑ 'kööb gen.

Kɑ ɑtunø me teeg wɑ̈dh-ɑ ì dut kì øn-ɑ́ yije ɑ́bëëd yi gen. Kɑ lebbi mɑc ocwöbø, kɑ ri gen pɑ̈ngi gen, kɑ ge ócungø kì wɑ̈thi jiɑni; men ki leeb mɑc kì wïje. Kɑ pëthi gen bënn opɑ̈ngø yi Wëykwërø, kɑ ge ócɑ̈gø kwøb ki dhøg møøgø, ni kɑ ɑ́thödhi gen yi Wëykwërø ki dhøgg-ɑ 'kööb gen.

Kɑ ge nyii cugø kì Kengø, yethi cyɑ̈ng bënn, ki pyëw ɑ́kyel, kɑ ópun nyi pød yi gen kì yethi kɑ̈lli gen, kɑ ge nyii nywɑ̈gø ki medi pëthi gen, e bong ɑ́dud ki yethi gen. Kɑ Jwøk nyi pwøj yi gen, kɑ ji bënn pëthi gen løg-ɑ mø med ki gen. Kɑ kwɑnni gen med yi Wë ki tyëng-ɑ nyi kedh ge oyielø kì yethi cyɑ̈ng bënn.

‘Jwøk ɑ́kööb kinni, kì yethi cyɑ̈ngg-ɑ cyɑ̈n, Wëyɑ ókønyɑ kömi dhɑnhø bëne. Nyigi wun; cwøw kí mɑ̈nn, wöönɑ ótöng yi gen; wøbbi wun ólïdhi ki møg-ɑ ócɑ̈rri gen, o ywödhhi wun ólɑ̈gi ki lɑ̈g.

Kɑ ji-ɑ ɑ́yïëy bënn obëëdø kì kej ɑ́kyel, kɑ jɑmmi gen bënn nyi nywɑg yi gen. Kɑ jɑmmi gen ngeew gen wɑ̈g, kɑ ngyëny nyi pɑ̈ngi yi gen kì kelli gen; e ngɑn nyi mëgg-ɑ gïn-ɑ jɑ̈ddii.

Codhe, o ngɑn kwɑjji kønyø ki nyingi Wë yiel.’

Cɑ̈ng ógöögø ki muudhø, kɑ dwɑ̈y ogöögø e kwɑɑr ni remø, e Cyɑ̈ɑ̈ng Wë; cyɑ̈ng-ɑ dwøng, cyɑ̈ɑ̈ng mɑ̈r nuti bëënø.