Popular Bible Verses from Cɑ̈gø 32

Share

Codhe, ɑkööb jɑlɑni kinni, “Nyingí pɑ cwøl ɑ́ Yɑgob këti. Nyingí ócwøl ɑ́ Isrɑil, mɑ́ wu ɑ́byëddi ki Jwøk, kɑ wu óbyëddø ki ji, kɑ yï otyɑ̈mø.”

Aköbbe Yɑgob kinni, “Wiy yɑ kedhɑ. Cɑ̈ng bï-ɑ mɑl.” De Yɑgob ɑ́kööb kinni, “Yï ówiy yi yɑn o yï kedh keløg yɑ ókwëng yi yïn.”

Kɑ Yɑgob odöngø kete. Kɑ jɑl megø obëënø, kɑ óbyëddø ki Yɑgob, gïti kɑ ɑ́tuul cɑ̈ng ge óbyëddø.

Codhe, ɑcɑɑg kenyɑni yi Yɑgob ɑ́ Peniel, mɑ́ e ɑ́kööb kinni, “Jwøk ɑ́lidh yi yɑn, de yɑ nudd yɑ onëënø.”

Keny-ɑ ɑ́lidhii yi jɑlɑni kinni Yɑgob dhɑ̈li ki tyɑmø yi en, ɑgøje ɑ́cwiig Yɑgob kɑ orunyø.

Apyëjii yi jɑlɑni kinni, “Nyingí ɑ́ men?” Alögge kinni, “Yɑgob.”

Apyëjii yi Yɑgob kinni, “Köbbí yɑn, nyingí ɑ́ men?” Kɑ jɑlɑni okööbø kinni, “Á kipe ngø ɑ pyëëj nyingɑ?” Codhe, kɑ Yɑgob kwënge kì kenyɑni.

Yɑ ɑ́göggi yi yïn ki gïgdøj mø lod møg-ɑ rømmɑ, kɑ yɑ kor yi yïn kidøøj; keny-ɑ ɑ́bɑ̈ɑ̈nɑ Nɑm Urdun yɑ ceg-ɑ kedhø, ɑ́bɑ̈ɑ̈n yi yɑn yɑ kɑ̈ll-ɑ lodh kete. De ɑnɑn, yɑ nuti nëngi yi yïn ki jɑmmì mø gïïr, mø bɑ kɑ̈dd ɑ́ryew?

Gïti ɑnɑn, tyëng Isrɑil pɑ nyi cyɑ̈mø’ rɑ̈ri ɑ́cwig, mɑ́ Yɑgob ɑ́gøj ɑ kenyɑni.

Kɑ Yɑgob okööbø kinni, “Yïn ɑ Jwøøg kweyɑ Abrɑhɑm, kɑ yï løg-ɑ Jwøøg wïyɑ Isɑɑk, Yïn ɑ Jwøng-ɑ Ácwɑ̈ɑ̈j, yɑ ɑ́köbbi yi yïn kinni døøgɑ gøl wøn kì pödhi wøn. Yï ɑ́kööb kinni yɑ ókorri yi yïn kidøøj.

Yɑ kwɑjj-ɑ yïn, yiel yɑn ki ómïɑ Isøø. Yɑ óböggø kinni óbï, kɑ wø nɑ̈ge bënn, kí tyëng-ɑ mɑ̈nn geki nyigi gen.