Popular Bible Verses from Lk 14

Share

“Ngɑn-ɑ óbï yïɑ pɑ cuggi gwøg ki ngetibɑngɑ, keløg yɑ pɑ mɑɑr yi en kibøli wïye, kí meye, kí cyëge, kí nyige, kí nyiimen, cɑgg ɑ́ wëye.

Ngɑn pɑ byel yɑdh ɑrïwe, kɑ lug-ɑ bɑngɑ, pɑ cuggi bëëdø ɑ́ ngetibɑngɑ.

Tyëng-ɑ tïng ri gen mɑl ódwöög cyɑ̈n, de tyëng-ɑ ódwöög ri gen cyɑ̈n ótïng mɑl.”

Ki yuu-ɑ ni menɑni ceth, bong ngɑn cuggi bëëdø ɑ́ ngetibɑngɑ, keløg jɑmm-ɑ yïe bënn pɑ wiye piny.

“Keløg yï dwɑdd-ɑ gyer ki ønbɑ̈r, yï ceg-ɑ wïjí ki gwirø møti, o yod yi yïn mɑ løge ngyëny ɑ́dï ɑ ókɑ̈l yi gere, kí mɑ di ngyëny mø ni møgɑni kì yïí, møg cuggi tyëgi gwøngɑni. Ke pɑ göög kinøw, yï bɑ men cɑg tyeli ønbɑ̈r, de pɑ cuggi lwɑ̈ngø yi yïn ki tyëgø. Codhe, kɑ yï gɑggi yi ji kinni, ‘Dhɑnhø men ɑ́cɑ̈gi ki gyer de ɑ́dhɑ̈li tyëgi gwøge!’

Keny-ɑ órëëj, cwøl ɑbuur, kí ngöll, kí pùdh, kí cörr, o yï ógyëdh, mɑ́ yï gen bong gïn cudi yïn yi gen, o yï ócudd-ɑ yi Jwøk, keny-ɑ ódhwödh tyëngtir kì yij thøø.”

“Omelø døøj, de keløg e ólwënyø, pɑ cuggi gwøgø yi yïn kɑ ódönyø. Bong gïn gwøøgii këti, o pɑ cuggi gwøgø ɑ́ nor. Ceg kɑ weddø. Ngɑn yïe di yïthhe mø lïnge, wiy lïnge.”