Popular Bible Verses from Марк 5

Share

– Сипшъашъ, – риӀуагъ Исус, – уишӀошъхъуныгъэ уигъэхъужьыгъ. Гъогу маф, гупсэф уиӀэу опсэу. Узынчъэу ухъужьыгъ.

А цӀыфхэм бзылъфыгъэ горэ ахэтыгъ. Илъэс пшӀыкӀутӀо бэрэ лъы къыкӀэкӀэу ар гуӀэщтыгъ. Ӏэзэ Ӏаджи еплъыгъагъ, къиныби рагъэщэчыгъагъ. Бзылъфыгъэм иӀэ пстэури ахэмэ атыригъэкӀодэгъагъ, ау нахь Ӏае хъущтыгъэ нахь, яшӀуагъэ къэкӀуагъэп.

Ардэдэм лъыкӀэкӀыныр уцужьыгъэ, зэрэхъужьыгъэри ыпкъыкӀэ зэхишӀагъ.

ЕтӀанэ пшъэшъэжъыем ыӀэ ыубыти, риӀуагъ: – Талита кум! (Ащ къикӀырэр, – Сипшъэшъэжъый, сэ осэӀо, къэтэдж!)

Исус джыри ахэр къыӀозэ, лӀы заулэ синэгогу пащэм иунэ къикӀыгъэхэу, къакӀохи, Иаир къыраӀуагъ: – Ппхъу дунаим ехыжьыгъ. Дин гъэсакӀом сыд пае джыри къин ебгъэлъэгъужьыра? Ау Исус ахэмэ къаӀуагъэр зэрэзэхихэу, синэгогу пащэм риӀуагъ: – Умыщын, шӀошъхъуныгъэ зигъэӀэ къодый.

А лӀым аущтэу зыкӀиӀуагъэр, Исус джынапцӀэм, «О джынэпцӀэ Ӏай, мы лӀым хэкӀыжь!» риӀуагъэти ары. – Сыда о пцӀэр? – еупчӀыгъ Исус а лӀым. – Сэ сцӀэр Дзэ, – пэгъокӀ къытыжьыгъ, – сыда пӀомэ, бэ тэхъушъ ары.