Popular Bible Verses from Luk 5

Share

Douk nakripesh baraen jurug aria nakrip Saimon nakri, “Nyak nyurao bot tunak orokohunig um debeigi waiyag aria ipak pukutu ipakib umbenab aria putuk anaguh eiguhw.”

Aria Saimon nakripan nakri, “Debeini, iganigib wab shuknib apak munek debeinyi mour um makutu umbenab aria apak madae mutuk anar atur eyur uwe, uwok. Aria douk nyak nyakri aria eik ta ikutu umbenab bubuh.” Aria amam hanak hakutu umbenab aria hatuk sabaiguhwi eiguhw aria amamib umbenab hurukatin um tutukurab atin.

Aria ihih anan apa nakitak nanak agundok arpesh uwok um aria nanak nape nenek beten.

Aria eik douk namudok atin kabi douk dokta um. Eik douk madae inakumori ihwar yopishi arpesh shenek yopihi aih iri shatanam um shukon aparuh Iruhin uwe, uwok. Eik yanakumori ihwar eshudok douk shenek yoweishi inahos iri um shukeshuk agabus yoweishi inahos aria shatanam shukon aparuh Iruhin.”

Aria Saimon douk kupainyi nyeigur um nanahwar Pita nani anam ananim biom douk Jems aria Jon amudok Sebedi ananim nugamim, hatik ogwuhwudok sabaiguhwi eiguhw amam hatukoguhw iri aria amam hakitak yowiyokuk aria hanogugur. Aria Saimon natik namudok aria nabuh noduk ohrubus hurukatin um Jisas aria nakripan nakri, “Debeini, nyak nyukutukuk eik aria nyunak! Um maresh? Eik yenek eneshenesh yoweishi inahos iri!” Aria Jisas nakripan nakri, “Saimon, nyak mare nyunogugur. Um maresh? Douk arigaha kweipon, nyak ta nyupe nyurao arpesh shunaki shugipesh eik.”

Aria Jisas nakri, “Arpesh douk arugeh uwok iri ta mare shunak um dokta um nugabeyesh uwe, uwok. Eshudok douk sharao arugeh iri atish ta shunak um dokta um nugabeyesh.

Aria amam hanuk amamig botog hakih hagubukuk anagas, hakutukuk ihishmorim amamish eshudok eneshenesh aria hani Jisas hanak.

Anah nyumnah Jisas nanak nape anabur wabur aria anan arugeh lepra hapenyani nanaki natogruman. Ananihw yegenyihw douk shuknihw abom um ereb. Aria anan nanak nabuh noduk ohrubus nakus atap aria narig Jisas nakri, “Debeini, nyak nyukri wosik um, eik yakri nyak nyugabeye.” Aria Jisas nonu rogur nowem ananis wis anudok arman aria nakri, “Eik yakri wosik um. Nyak yopin abom.” Aria ahudok atuh anan yopun.

Aria uwok, enyudok baraen um agundok Jisas nagabe anudok arugeh lepra hapenyan um nyowe nyanak rougun. Aria sabaishi arpesh shanaki um shumnek Jisas ananin baraen. Aria shopunek um nugabemesh esheshih arugeh douk hapenyesh iri.