Popular Bible Verses from Ruka 2

Share

ꞌI ꞌaŋarīnā, ꞌi te kona poreko o Tāvita ko Vērene, i poreko ai te ⌊Kiritō⌋, he Pūꞌoko Haka Tere o tātou; māꞌana e haka eꞌa i te taŋata mai roto i te ūtuꞌa o te hara ꞌe e vaꞌai i te ora ꞌāpī ꞌina he hopeꞌa raꞌa o te ꞌAtua.

He kī e te merahi: «ꞌIna kōrua ko riꞌa-riꞌa. E maꞌu mai ꞌana a au i te parau ꞌāpī riva-riva mo kōrua, he meꞌe hopeꞌa o te nui-nui mo koa o te taŋata taꞌatoꞌa.

«¡Ko te nui-nui ꞌe ko te pūai i a koe, e te ꞌAtua ē! ¡Ka ai te haumārū ꞌi roto i te taŋata taꞌatoꞌa o te ao ꞌi ruŋa i a rāua te koa o te ꞌAtua!».

He nui-nui he oho a Ietū koia ko pūai ko oho te mārama-rama. E haŋa rahi rō ꞌā e te ꞌAtua ꞌe e te taŋata taꞌatoꞌa.

Mo aŋi-aŋi e kōrua ko ai, he poki e tahi e haꞌī rō ꞌana hai kahu ꞌe e haka moe rō ꞌā ꞌi roto i te meꞌe hāŋai puaꞌa».

ꞌI te kona e tahi o ꞌuta hāhine ki Vērene e noho rō ꞌā te nuꞌu e hāpaꞌo ꞌana i te rāua māmoe ꞌi te pō. ꞌĪ ka uꞌi atu ena ko te merahi e tahi, ꞌe te mana o te ꞌAtua ko ꞌana-ꞌana ꞌā e haka vari era i a rāua. He mate rō atu ꞌai ananake ꞌi te riꞌa-riꞌa.