Popular Bible Verses from Marko 14

Share

Pē nei i kī ai: «E Koro ōꞌoku ē, ꞌina e tahi meꞌe mo taꞌe ravaꞌa e koe. Ka toꞌo te ꞌati nei mai ruŋa i a au. ꞌE, ka ai atu pē nei tōꞌoku manaꞌu, ka haka tano koe hai meꞌe nō ena ꞌāꞌau i haŋa, ꞌe taꞌe hai meꞌe haŋa ꞌāꞌaku».

E ꞌa-ꞌara e pure kōrua ꞌo hara. Nā ꞌi roto i a kōrua te haŋa mo aŋa i te meꞌe riva-riva, te ꞌino nō, he pūai kore o kōrua».

ꞌĪ a au he kī atu: ꞌi te kona taꞌatoꞌa o te ao haka ꞌite i te ⌊roŋo riva-riva o te ꞌAtua⌋, he vānaŋa takoꞌa o ruŋa i te meꞌe aŋa mai nei e ia; pē ira ka taꞌe rehu ena a ia».

He kī ki tū ŋā kope era: «E rahi rō ꞌana te māui-ui ŋaroꞌa e au ꞌi roto i tōꞌoku māhatu ꞌi te ꞌati ka topa mai ena. Ka no-noho nō mai kōrua ꞌi nei; e uꞌi ꞌo hāꞌuru rō».

E ka-kai nō ꞌā, he toꞌo e Ietū i te haraoa, he māuru-uru ki te ꞌAtua, he more-more ꞌe he tuhaꞌa ki tāꞌana nuꞌu hāpī he kī: «Ka kai kōrua i te haraoa ena; he hakari ōꞌoku».

I oti era he toꞌo i te hapaina vino, he māuru-uru ki te ꞌAtua, he vaꞌai ki tū nuꞌu era ꞌe taꞌatoꞌa i unu ai. ꞌE he kī: «He toto nā ōꞌoku ka tehe ena mo te riva-riva o te taŋata; hai nā toto ka tāpaꞌo ena te ⌊haka tere iŋa ꞌāpī o te ꞌAtua ananake ko te taŋata⌋ ⌊haka moe i te manaꞌu⌋ ꞌi ruŋa i a au.

ꞌI te ara he kī e Ietū: —A kōrua taꞌatoꞌa he haka rehu i a au ꞌi te pō nei. Pē ira, paꞌi, e hāꞌaki ena ꞌi ruŋa i te Pāpaꞌi Moꞌa ꞌi te vānaŋa kī e te ꞌAtua pē nei ē: “E tiŋaꞌi rō a au i te taŋata hāpaꞌo māmoe, ꞌe he maraŋa tahi tāꞌana māmoe”.

Ka eꞌa ki ruŋa ki oho rō tātou. Nā ko hāhine mai ꞌā tū kope era mo vaꞌai i a au ki te rima o te nuꞌu ra-rahi».

He kī e Ietū: —ꞌArīnā mau nei ꞌā ꞌi te pō, e ko ꞌoꞌoa hia te rua ꞌoꞌoa iŋa o te moa, ka kī rō ena koe ki te nuꞌu e toru kī iŋa kai ꞌite koe ko ai a au.