Popular Bible Verses from Marko 4

Share

He eꞌa a Ietū ki ruŋa he kī ki te tokerau ꞌe ki te pari: «¡Ka mou! ¡Ka noho!». ꞌI tū hora ꞌā he kiva-kiva te tokerau ꞌe he māria te vai. I oti era he kī e Ietū ki tū nuꞌu hāpī era ꞌāꞌana: —¿He aha a kōrua e riꞌa-riꞌa ena? ¿ꞌIna ꞌana ꞌō kōrua kai haka moe ꞌā i te manaꞌu ꞌi ruŋa i a au?

He riꞌa-riꞌa rō atu ꞌai ananake, ꞌai ka kī ki a rāua ꞌā: «¿Ko ai mau te kope nei? ¡ꞌĀtā te tokerau ꞌe te pari e haꞌatura rō ꞌā ki a ia!».

ꞌE a Ietū e haꞌuru ꞌana ꞌi tuꞌa o te vaka e raŋo rō ꞌā i tōꞌona pūꞌoko hai ŋaruꞌa. He haka ꞌara e tū nuꞌu era ꞌāꞌana he kī: —E te Maꞌori, ¿ꞌina ꞌō koe he tapa atu ꞌī tātou e emu nei?

He kī haka ꞌou e Ietū: «E uꞌi e haka topa riva-riva te kōrua manaꞌu o ruŋa i te hāpī ꞌāꞌaku. Pa he hāito iŋa ena ꞌā o te kōrua haka roŋo ꞌe haꞌatura ki te ꞌAtua, ka hāito takoꞌa atu ena e ia i te meꞌe mo ꞌite e kōrua o ruŋa ōꞌona, ꞌe ꞌātā e ꞌata haka ꞌite nō atu.

He kī takoꞌa e Ietū: «Te haka tere iŋa ꞌāpī o te ꞌAtua pa he karu ꞌoka ꞌā e te kope e tahi. Ka haꞌuru ꞌo ka ꞌara, ka pō ꞌo ka ꞌōtea, mā te taꞌe ꞌite e ia pē hē, he tupu te karu ꞌe he nui-nui he oho te tumu.

»Te nuꞌu haŋa mo aŋi-aŋi e haka topa te manaꞌu».