Popular Bible Verses from Marko 9

Share

He kī e Ietū: —¿He aha te vānaŋa ena: «mo ai e ravaꞌa rō e koe»? ¡Taꞌatoꞌa meꞌe e ravaꞌa nō e te kope haka moe i te manaꞌu ꞌi ruŋa i te ꞌAtua!

He kī ia e te matuꞌa o tū poki era hai reꞌo pūai: —E haka moe rō ꞌana a au i tōꞌoku manaꞌu ꞌi ruŋa i te ꞌAtua. Ka haka haŋu mai koe i a au mo ꞌata haka moe ōꞌoku i te manaꞌu ꞌi ruŋa i a ia.

I hini ꞌiti era he uru a Ietū ki roto i te hare e tahi. I topa era ko rāua nō ko tāꞌana nuꞌu hāpī, he ꞌui e rā nuꞌu ki a Ietū: —¿He aha a mātou i taꞌe ravaꞌa ai mo haka eꞌa i rā tātane? He pāhono e Ietū

Te miti, paꞌi, meꞌe riva-riva; ꞌe mo taꞌe maŋeo, ¿pē hē ia ana haka riva-riva haka ꞌou? A kōrua e hāpaꞌo ꞌo kore te kōrua maŋeo, ꞌe e noho hai haumārū ꞌi roto i a kōrua.

«Te kope toꞌo ꞌe hāpaꞌo hai ꞌīŋoa ōꞌoku i te rua, ka ai atu i te poki e tahi pa he poki nei, e toꞌo ꞌana i a au; ꞌe te kope toꞌo i a au, taꞌe e toꞌo ꞌā i a au nō, e toꞌo takoꞌa ꞌana i te kope uŋa mai i a au».

»ꞌĪ a au he kī atu: te taŋata vaꞌai atu, korohaŋa he hapaina vai mau nō ꞌo te ai o kōrua o te ⌊Kiritō⌋, pe muꞌa ka oho ena e ko taꞌe vaꞌai e te ꞌAtua ki rā taŋata hai meꞌe mo haka koa.

»Te ūtuꞌa o te ꞌAtua mo te taŋata haka hara i te kope taꞌe pūai rahi o te haka moe iŋa i tōꞌona manaꞌu ꞌi ruŋa i a au he ūtuꞌa ꞌata taparahi-taꞌata ki te ūtuꞌa he here hai māꞌea paŋahaꞌa ki te ŋao ꞌai ka hoa ki roto i te vaikava.

»ꞌE mo haka hara i a koe e tuꞌu mata e tahi, ka ka-karo ka hoa mai ruŋa i a koe; e hau rō atu, paꞌi, mōꞌou te oꞌo ki roto i te ao haka tere e te ꞌAtua e tahi nō mata, ki te ai ararua uꞌu mata ꞌe he hoa i a koe ki roto i te pōꞌauahi