Popular Bible Verses from Lurkaf 17

Share

Khoernar-aq, Yeqsur, aqyawf-anr aernaeq-eu, “Tur-awr ghof-ir-awq. Nawr jan-eu jeq, nawq-anr bi taqler-euq mae.”

Tiq nan-euq lafkhoer taef-aer aqyawf, nawq-anr shif pov keuvni mrlaeq-awr, ‘Ngar noeqpov noeqpar ma’ laer shif pov keuvni aerlar nar-aq, nawr, aqyawf-euq iqbax yawqpov navluf ya pyaeqnaeq-eu mae.”

Aqyawf maf-euq lafkhoer-euq tiq ghaq, aqyawf taqler-euq gar ya’mawr ngae, ghofdmr dzaelar-awr, tersar yawkhav-aer Miqyaer-anr ciqhuiq ciqmanr-eu mae. Khoeruqtaf, Yeqsur-euq aqkuir-euq dawqpae awbyav taq-awr, Yeqsur-euq guiqlanq-anr jaceuq-eu mae. Tsawrhaq khoerghaq-aq, Saqmaqliv tsawrhaq mae.

“Nawmaf yawqhar yawqha yawmuiq-aer hawpir-awq. Nawq-euq maernmr, nawq-anr mrlaeq-euq nar-aq, aqyawf-anr toeqmaeq naeq-awq. Aqyawf noeqpov noeqpar nar-aq, aqyawf-euq iqbax pyaeqnaeq-awq.

Khoerngae, Yeqsur heulof-aer aer-eu mae, “Shawrlar-euq tsawrhaq tser ghaq maqngeur-a lor? Khoer ghoeq ghaq aqlaeq?

Khoerngae, Yeqsur aer-eu, “Nawmaf jan-eu jeq ghawqpaf arnuiv huini anr nar-aq, nawr, boeqdzar arbawr heubawr-anr, ‘Nawq-euq duqcir gheudov-awr, iqmalavshav-anr daef-ir-awq’ laer aernaeq ngae, boeqdzar arbawr heubawr nawmaf-euq dawq narhaq taef-a.”

Aqsur ghaq maqkaq, yawqha-euq daefzir buq-ir ni laejae nar-aq, yawqha-euq daefzir smq taef-a. Aqsur ghaq maqkaq, yawha-euq daefzir bismq nar-aq, yawqha-euq daefzir-anr jeqhmqnya taef-a.

Khoernar-aq, Yeqsur, zaqlanr deuq-anr heulof-aer par aernaeq-euq mae: “Maeqhu paw sanqtif tiflar-eu jeq ya’mawr taef-a. Aerkhawf, aqcawq-anr sanqtif bitifni mr-eu ghaq-aq, ghawqshar shaq-aer ya ghaesaef taef-a. Tsawrhaq khoerghaq, zaq yawnyir heudeuq-euq lafkhoer tiqghaq nav-anr bi mrlaeq-eu navmaqtser, aqyawf-euq kawqlanr-anr lolaeq paftawf-awr, iqmalavshav-anr bafpuf-eu-aq, aqyawf-euq gharduq muiqdzaeq-eu mae.

Noraq-euq arnan-anr aqjox-aer pyeufyaf-euq ngeur nar-aq, Tsawrhaq-euq Zaqyo-euq arnan-anr khawf, khoerlof-aer pyeuflar taef-a. Noraq, lawq lawqma-euq lafkhoer urler-awr, ircuf danqpymq lar-awr aqyawfmaf dawqtawv luf-anr lavcawv ngae nan keuvni, aqyawfmaf dzaqluf dawrluf-eu uqtaf, miqzaq sheuq, smrmir irluf-eu mae.