Popular Bible Verses from Jon 14

Share

“Mu ti lo de yutì yi mi ha ghàn. Mu fo kə nâ yutì mi ha ghàn. Mu fo wi yutì mi yîn ha ghàn te mbyi fo. Kə ghàn de na təm ghana hi fo ngək ha ghàn, kə ghàn hi fânà.

Jisòs jis ha wun na, “Mu mò wu lûm, mô hamok fê mô a chyəna ghe ghɨ bè mê wi, wùt wi hi yèn ha Bì, a bu na wù tohna a mu wùn.

Jisòs jis ha jùmtìbàmsu wunsu na, “Kə ghàn hi fumhe ngɨŋ sanisu. Ghàn bimi ha Yènfù ma ghàn fê bimi kəbi ha mu.

Gàmtì ye a Bì nè tuma a mu yi yet a mô a Yohnà Yulena ghɨ nè yikelò ghàn nâ nì gha à jɨ̀m, ma wù fê yɨŋti nâbi ghe mu mò ma mu ti jis ha ghàn.

Wùt we wù kòŋà mu mò wut we wù ywo sak tamtu. À hì kòŋà nâbi nde mu, ma Bôm nê hi boŋa kôŋà wûn, chwûtè lum tamtu ha wûn.”

Mu nè bufalò ma Bì fo gàmtì wùlè ma wù faŋ ghàn à ghɨna kə yu mù jɨ̀m. Gàmtì mi yinâ mò a Yohnà Fùyènà ghe ghɨ chwûtè hamok kum Yènfù. Ghɨt a mbye wi hi fye a gàmtì mi yinâ beka ghɨna yena wi wûn, khə wi wûn. Biyani ghàn khə wûn beka wù chyə ghàn à ghɨna, mô hi tè mò a ghàn a fùtɨ̂n.

Mu nè nêlò nâbi ghə ghe a ghàn bufa a mu yi yet shyəma Bì chwuti koknì wuni tohne a Wâ wûn. Ghàn ki buf nâbi ghə a mu yi yet ma mu nê ni ha ghàn.

Ghàn shìki kôŋà mu, ghàn hi lêmà sak tamtu.

Bɨn a Boma kəta sù ndâ su dô kə ni, à ye hì wijə ni, ma mu ti fôktì ha ghàn. Mu yènà hi fate wu luk afû ha ghàn.

Mu ki yê fatî, ma mu kahà bê lyi ghàn shyəma ghàn yen à hi mô ghàhnà wu lùk afa mu mò atɨ̂n.

Tomòs ki buf ha wun na, “Ghàh mò hi khɨle yàni lumu a Bâ, khə wi nâbi nâ luk we wò yènà agha?”