Popular Bible Verses from Lûk 5

Share

Te wù yike mihe, kahi jis ha Samùn na, “Liti kpenhi ndù nì ngwùk àtɨ̂n a jwô, ma ghàn tum à chwohi wətu a jwô ma ghàn kwo yila.”

Samùn jis ha Jisòs na, “Ghàh te chyə hì tumâ a Bâba, tê kwo jə̀ shyə ale, biyani beka à jis wò, mu tê jîsà lò na ghɨ tum à chwohi.” Ghɨna tum wətu kwo yila ghɨ dô kə ni, wətu ghɨna tu hì khɨŋa hi tentî.

Biyani, wù ndùku faŋa wi hi lò dè ghɨta hi yèn wu lùk wule kə wù nɨ̂ŋ hi jə̀m.

Mu tà ben hi tihe ghɨt ghe a ghɨ mô chilichili, mu ben kum ghɨt a be hi fòktì na ghɨna kahi təm a ghɨna.”

À hì mô te Samùn Bità yena gha ye yi gana ni, wù chwo tum ngwuksu a Jisòs ashyə̂ jis ha wun na, “Lô chyà a mo ngwùŋ a Bâba. Mu mò wùt wù be!”

Jisòs buf ha ghɨna na, “A yule ndâ nde ma wù fê shik hi khɨŋa a fu agha? A shika kə ghɨt a yablena.

Ghɨna kaha ben nì ngwùksù yi bi jwolì lo de nâbi ghə ghɨ ghɨna, jûmtì Jisòs.

Jisòs yen yi tèk yile, wùt lè ben ha wûn ma kùhà ti kût wun wu wunu nâ wù jɨ̀m. Te wù yena Jisòs, fen a wun ashyə̂ chyati wûn na wù chwuk yi jyâna, “Wò hì kôŋà ma wò chwuk mu a Bâba.” Jisòs nâhì a wo kum wûn jis na, “Mu kòŋàlò, ta lê.” Kə wu yu kùh àtɨna mî a wun wu wùn.

Gha mi yîn kum Jisòs waŋ kə luk tù jɨ̀m, nâbi te wù ndùku khɨŋa na wùt yafa we let gha tɨni. Nôn à ghɨ̂tà hì bênà hi ywo yikî wuni fê bênà na wù chwuk yaftu ghɨna tu.