Popular Bible Verses from Lûk 8

Share

Ye yì tì chemle a chyəfu jûŋ fù mò te ghɨt ghe ghɨ ywo gha Fùyènì ghɨ khɨti kə hamok nì təm a ghɨna a jûŋà hì wunhê yi mo wu tam a ghɨna chyənà.

Ngwìk yìlè ye yì tì chemle a tutùŋ yâ, mò te ghɨt ghe ghɨ ywo gha Fùyènì, chyəti yen kə ni, fuma mbye, ghɨna khɨŋa yi ghak, nyɨŋa kə yi bàm yi mwə̀ mù mbyî, gha ghɨ̂n tàhì na kə ghɨna ləma a ghɨna àtɨ̂n yi bimî.

Ye yì tì chemle yi wo yì mò te ghɨt ghe ghɨ ywo gha Fùyènì nyâŋhì bimî nì saŋlînì, biyani yi faŋ hi tòkà lye a ghɨna təm. Ghɨna bimi kə afu yulâ mômhìnì ben, ghɨna fen kə yi fên.

Jisòs buf ha ghɨna na, “Kum ghə te ghàn kəta wi bimînì agha?” Ghɨna hì mô nì kani fê fânà, buf ha ngɨŋsu ghɨna su nâ, “Wùna mò nâ nde wù kàntè fufa nì jwò ghɨ ywo wûn.”

Ngwìk yê yì tì chemle wu lûm yi mò te ghɨt ghe ghɨ ywo gha Fùyènì, deblì ben fihi a ghɨna təm na kə ghɨna bimi ma ghɨ bon.

Ghàn hi khə na ghɨ let kat chya nâbi nì ghə, ghɨ bè yenalò, ghɨ leti nâbi yìni gha, yi bè faŋa wi hi fwo a ndan.

Wùt ywen wuna yen na ghɨ ti khɨli na à kum yi wûn, fwu ben, chiŋtê, fen a Jisòs ashyə̂ fôktì gha ye yi ne na wù kum Jisòs. Ghɨt à jɨ̀m yû. Wù fî jis na yi ye kum Jisòs nâbi wùni yu ta kə yi tâ. Jisòs ki jîs ha wun na, “Wâ mù, bimî ya ti ni na wò ta. Kolo kə nì yutìnì.”

Ghɨna yen shik yemhì wûn jis na, “Bèbɨn, Bèbɨn, yemâ, ghàh te kputelò!” Wù yemà kântì fuf atɨna nì jwò ghɨ tenâ luktu china kə ni moŋ.