Popular Bible Verses from Jn 15

Share

“Mɔ̌ yɨ əzed ə vaìn. Mbə yɨ rɨtəb vaìn. Wə̀d we nɨ chub ənɨ ənû ə mɔʼ mbɨ num, mə bɨrɨ bɨ chub ənɨ ənû ə mɔʼ mbɨ məd, əne məd bɨrɨ kɔ rɨtam nɔnɔʼ. Chəi ənɨ tɨ̀ mbə ghɨ̀ ənû ə mɔʼɔ ənɨ ə ɨghəm nɨ chəi əmɨ əŋgu.

Mbə̀ chub ənɨ ənû ə mɔʼ mbɨ num, ɨchî nɨ mə bə̀ chub ənɨ ənû ə mɔʼ mbɨ nən. Ɨchî nɨ chəi ənɨ tɨ fɨtəb kɔ rɨtam ənɨ i ɨghəm kɨrɨ ənɨ fɨ yeʼ ənɨ əzed ə vaìn, əne bə̂ chəi ənɨ tɨ mbə̀ kɔ rɨtam kɨrɨ ənɨ mbə̀ yeʼ ənɨ ənû ə mɔʼ mbɨ num.

Mbə mɨ chub ənɨ ənû ə mɔʼ mbɨ num, mɨ ɨŋgam bə̀ chub ɨŋga nən, mbə bɨrɨ biirɨ ənû ə mɔʼɔ ze nɨ mbə̀ kəbɨ, əne mɨ Mbǎʼ bɨrɨ ghɨ ənû ze ɨ nən.

Kaʼi mbə̀nə nyaʼa chɔʼ əmɨ. À yɨə mɔ̌ nyaʼa chɔʼ əwən tom ni mbə̀ wo kɔ rɨtam, nɨ yeʼ rɨtam te nɨ bɨrɨ ten i koŋ. Mbə mɨ ghɨ̀ əne, Mbǎʼ bɨrɨ naʼ əghɨ ə mɔʼɔ ze nɨ mbə̀ biirɨ ɨ bɔ ənɨ mɨ ɨkum.

Chəi ɨghaʼi mɔʼɔ əŋgu nɨ tɨ̀ wɨ chè wɔ̂ ni: wə̀d nyaʼa kwɨ ɨgwɨ ətu mbi mɨ̀sə̀ʼ.

Məd wɨə sopə rɨtəb jìm te nɨ yeʼ ənɨ ə num, nɨ yeʼ te nɨ chəi tɨə kɔ rɨtam. Məd wɨə bə̀ kwə̀ŋgɨ̀ rɨtəb jìm te nɨə kɔ rɨtam ɨmbə̀ʼ tɨ kɔ nɔʼrɨ.

“Mɨ ɨkə we nɨ mə̀ naʼ ɨ nən yɨ ni, mbə ghaʼ mbə bɔŋgɔb ɨchî nɨ mə bə̀ ghaʼ əwən.

Ənû ze nɨ bɨrɨ nàʼ ɨwumnɨ əmbɨ mɨ Mbǎʼ yɨ ni mbə̀ kɔ rɨtam nɔnɔʼ. Əze ə bɨrɨ chwi ni mbə̀ yɨ mbɨ mə̀mə̀ə̀nɨ̀-ɨnû.

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Mɔ̌ yɨ əzed ə vaìn rəsìʼ. Mɨ Mbǎʼ yɨə wə̀d we nɨə nəŋgɨə mbeŋ vaìn.

Wə̀d mɔʼɔ we nɨ chəi wɨ̀ chub ənɨ ənû ə mɔʼ mbɨ num, mbɨ sob əməd waʼ ɨchî nɨ mbɨə waʼ fɨtəb zobɨ. Bə̂d bɨrɨ fetɨ rɨtəb zobɨ te màʼ ɨŋga ɨwid tɔ̀n.

Mə fə gha ɨnû mbɔ̂ ɨ nən ɨmbə̀ʼ ɨghaʼi we nɨ yeʼ ɨŋga mɨ fîŋ bə̀ yeʼ ɨŋga tən fɔrɨ ni ɨghaʼi swi ɨŋga tə fîŋ.

Mbə mɨ nùŋ tum rɨkə, mə bɨrɨ ghaʼ əwən, ɨchî nɨ mə̀ fə bə nùŋ tɨkə tɨ mɨ Mbǎʼ, əne məd ə bə̀ ghaʼ əmɨ.

Ɨkə we nɨ mə naʼ ɨ nən yɨ ni: mbə̀ ghaʼ mbə bɔŋgɔb.”

À kɨ nɨ mbə̀ nyaʼə bə̂d rɨŋga ɨsɨg, njɨ ɨsɨg nyaʼa ghaʼ əwən ɨchî nɨ wɨ̀ ghaʼ mbi bə̂d. Àyɨə mə nyaʼa chɔʼ əwən rɨŋga ɨsɨg ɨmbə̀ʼ ɨghəm nɨ ka mbə̀ yɨ ə bə̂d rɨŋga ɨsɨg. Əzɔ̂ yɨ əton nɨ ɨsɨg ə bàn əwən.