Popular Bible Verses from Mt 24

Share

Ɨchî nɨ ɨnû ɨzɨg bɨrɨ nɔʼ, chəi bə̂d mɨ̀nɔnɔʼ bɨrɨ wɨrɨə ghaʼə mbɨ cherə ɨchî nɨ mbɨ nyaʼə bèə̀ ghaʼə. Àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.

Bə̂d bɨrɨ gha ɨkə̂n chɔ̀m wɔ̂ ɨmbə̀ʼ ənû ɨfɔ̀n rɨkaŋ ɨŋga ɨsɨg jìm, ɨmbə̀ʼ ɨbeŋ jìm zu. Mbɨ mɨ ghɨ̀ əne, ɨnwǐ ɨsɨg bɨrɨ sɨ yeʼe.

Mbə bɨrɨ zu ni ɨbeŋ mbɨə màʼə̀ bid, bə̀ zu mɨŋgam ɨmbə̀ʼ ɨchî nɨ bə̂d ə kəb maʼ bid. Tɨ mbə̀ bɔ ə. Ɨnû mbɔ̂ jìm berɨ ghɨ̀, àyɨə kaʼ à yɨə kɨrɨ i ɨnwǐ ɨsɨg.

Ɨbeŋ bɨrɨ maʼ bid mbɨ ɨbeŋ cherə. Ɨbeŋ nɨ mɨfɔ̂n ə tùmbɨ̀ə̀ bə̀ màʼ bid mbɨ ɨbeŋ cherə nɨ mɨfɔ̂n ə tùmbɨ̀ə̀. Njì kǎ kǎ bɨrɨ nyɨ, si bə̀ wùd ɨsɨ ɨsɨ. Ɨnû mbɔ̂ jìm yɨ ɨghabɨ ɨchî nɨ əyi kɔ zu rɨbuʼ ənɨ wɨə nombɨə.

Ɨkaŋ fɔrɨ si bɨrɨ chè, àyɨə chəi mɨ ɨŋgam bɨrɨ nɔ che ətu ə̀kǒ.

ɨmbə̀ʼ ɨghəm nɨ bə̂d mɨ̀nɔnɔʼ bɨrɨ yeʼe, əne nɨŋ mɨ ɨkum yènə̀ ghàə̀ ni, 'Mɔ̌ yɨə Wə̀d we nɨ Ŋwiə̀ zɔʼɔ.' mbɨ bɨrɨ gha əne fèbrɨ̀ bə̂d mɨ̀nɔnɔʼ.

“Nyùmə̀ we mɨ kùʼ, mbə bə̂d pə̀n bɨrɨ gywɨ əwən nàʼ ni mbɨ chə əwən bə̀ zwiirɨ əwən. Ɨsɨg jìm bɨrɨ ban əwən ɨmbə̀ʼ əmɨ. Ənɨ ə nyùmə̀ we, ɨbenɨ bə̂d mɨ̀nɔnɔʼ bɨrɨ bɔd. Bə̂d bɨrɨ fendɨ mbə bɔŋgɔb bə̀ kɔ bàn mbə bɔŋgɔb. Bə̂d ɨ̀kə̀n Ŋwiə̀ mɨghab nɔnɔʼ bɨrɨ jwɨ̀ əne fèbrɨ̀ bə̂d mɨ̀nɔnɔʼ.

Yeso nyaʼa wììrɨ̀ əmbɨ mɨ̀mə̌d ni, “Mbə̀ we əwən ɨmbə̀ʼ tɨ wə̀d mɔʼɔ ghɨ i ni mbə̀ febə

Əne mbə̀n bə̂, mbə̀ tekɨ ɨnyod, ɨmbə̀ʼ ɨghəm nɨ Wan Wə̀d wɨə yeʼe ənɨ ə nyùmə̀ we nɨ chəi mbə̀ə wòm əməd.

Əne mbə̀ chub ɨkyèʼe, ɨmbə̀ʼ ɨghəm nɨ chəi mbə̀ kyerɨ əni ze nɨ ə Ə̀nùŋɨ̀sɨg bɨrɨ wɨrɨ yeʼe.

“Chəi wə̀d mɔʼɔ kyerɨ əni ze kɨ̀ nyùmə̀ we nɨ ɨnû mbɔ̂ bɨrɨ ghɨ̀, ka àbei mbɨ̀aŋgɨrə̀ mbe nɨ yeʼ ɨkaŋ kɨ̀ bè ə Wan. Àmei Mbǎʼ rə̀zìʼ wi kyerɨ.

Mə wɨə ghà əne ɨmbə̀ʼ ɨghəm nɨ bə̂d mbe nɨ Ŋwìə̀ zɔʼɔ mɨ̀ghab mbɨ ə bə̂d ɨ̀kə̀n Ŋwiə̀ mɨ̀ghab bɨrɨ nɨ jwɨ̀, əne ghɨ̀ ɨnweenɨ-ɨnû ka ka bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ fə chɔʼɔ.

Ənû ze nɨ nyaʼa ghɨ ənɨ ə nyùmə̀ Noà, yɨə bə̀ ənû nɨ bɨrɨ ghɨ̀ ənɨ ə nyùmə̀ we nɨ Wan Wə̀d bɨrɨ wɨrɨ yeʼe. À nyaʼa ənɨ ə nyùmə̀ we, bɔŋ Ŋwìə̀ nyaʼə sɨə ghɨ̀ ni mbə̀ŋ nɔ mɨnib kubrɨ ɨsɨ, bə̂d mbɨə nyaʼə jɨgə bə̀ nɔə. Ɨ mbɨə nyaʼə namə bə̀ namnə mbə bɔn. Ɨ mbɨə nyaʼə ghɨ̀ əne wò pè əni ze nɨ Noà nyaʼa nyɨ əbaŋ ɨgyɨ̀ ze nɨ Ŋwìə̀ nyaʼa gha ɨ bɔ nɨ wɨ̀ tekɨ. Chəi bə̂d mbe nyaʼa kyerɨ ənû ze nɨ nyaʼa wò ghɨ̀, pè ənɨ mbə̀ŋ ze nyaʼa nɔ, mɨnib kubrɨ ɨsɨ chè zə̀ mɨ̀mə̌d mɨjìm. À yɨ ɨchî nɨ zɨə bɨrɨ yeʼ we ənɨ ə nyùmə̀ we nɨ Wan Wə̀d bɨrɨ wɨrɨ yeʼe.