Popular Bible Verses from Mt 6

Share

Àyɨə mbə̀ be kə̀b yeʼ ənû ɨfɔ̀n əməd bə̀ ghɨ̀ ɨnû nɨ kuʼnɨ, əne wɨ̀ bɨrɨ bɨ naʼ ɨghɨ mbɔ̂ jìm ɨ nən.

“Əne tɨ mbə̀ nwìʼ ə ɨnyod ɨmbə̀ʼ əni ɨsɔ, ɨmbə̀ʼ ɨghəm nɨ əni ɨsɔ ə berɨ mbi ɨnû. Ɨni jìm ə berɨ i ŋgəʼ.

“Tɨ mbə̀ nwìʼ ə ɨnyod ɨmbə̀ʼ ə ɨ̀tènɨ̀, ni mbə̀ kɨə wo jɨg yè kɨ̀ ni mbə̀ kɨə wo nɔ yè. Tɨ mbə̀ bɨ nwiʼ ə ɨnyod ɨmbə̀ʼ ə nyamnyod, ni mbə̀ kɨə wo zɨ yè. Ɨ̀tènɨ̀ rɨ wa chè i ɨghɨjɨg ə? Nyamnyod rɨ wa chè i ngywɨ̌ ə?

Àyɨə ənɨ à kəb kɔŋgɨ ə Ŋwiə̀, nyɨ ɨŋga e ətu ə nəb, wùb ɨchû nəb, kɔ̀ŋgɨ̀ e Mbǎʼ we nɨ yeʼ ənə̀mə. Əne, e Mbǎʼ we nɨə zə ɨnû mbe nɨ àwɔ̀ ə ghɨ̀ ənə̀mə, bɨrɨ chɔʼ e ə̀fàʼì.

Mbə̀ kɔŋgɨ ə Ŋwiə̀ əni: 'A Mbǎʼ nɨ yeʼ ɨkaŋ, ghɨ ni bə̂d wumnɨ e ɨkum. E ənû ɨfɔ̀n ə yeʼe, bə̂d rɨ ɨgwɨ ə si ghɨ ɨnû mbe nɨ à kə̀bɨ ɨchî nɨ mbe nɨ yeʼ ɨkaŋ ə ghɨ̀ə̀.

Naʼ ɨghɨjɨg nɨ kuʼnɨ ɨ na rə̀chɔ̀ŋ.

Waʼ mba ɨnû rɨbɔ̀ŋ, ɨchî nɨ tɨ̀ fə waʼ ɨnû rɨbɔ̀ŋ bə̂d mbe nɨ gù ɨnû ɨ na.

Tɨrə̀ ben e ni ənû ə mɔʼɔ numbɨ əwa, àyɨə chɨ əwa rɨ ənɨ ɨnû rɨbɔ̀ŋ.'

“À mɨ waʼ ɨnû rɨbɔ̀ŋ bə̂d, e Mbǎʼ we nɨ yeʼ ɨkaŋ bɨrɨ bɨ waʼ mbe.

Mbə̀ neŋ rɨnən. Chəi tɨə kon ɨghɨ, chəi tɨə bə̀ kwə̀ŋ ɨghɨ chà ɨŋga ŋgə̌n. À yɨ ə Mbǎʼ we nɨ yeʼ ɨkaŋ ə jə mɨ̀mə̌d. Chəi mbə̀ wa che rɨnən ə?

“Tɨ mbə̀ nuŋ əwən ə mbɔ̂n ɨgwɨ ə si, nɨ yeʼ əsɨ ze nɨ ɨsəʼɨ fɔrɨ chə̂b bɨrɨ chə̀kɨ̀ nɨ bə̀ yeʼ əsɨ nɨ mɨjɨ bɨrɨ tòʼ. Mbə̀ nuŋ ə mbɔ̂n yeʼ ɨkaŋ, nɨ yeʼ əsɨ nɨ ka ɨsəʼɨ kɨ̀ chə̂b bɨrɨ chəkɨ i, bə̀ yeʼ əsɨ nɨ ka mɨjɨ bɨrɨ toʼ ə. Əne yɨ ɨmbə̀ʼ ɨghəm nɨ əsɨ ze nɨ e mbɔ̂n yeʼ əŋgu, e fîŋ bɨrɨ bɨ yeʼ əŋgu.

“Chəi wə̀d mɔʼɔ əŋgu nɨ tɨ̀ wɨ̀ fàʼ əmbɨ mɨ̀mbǎʼ ə̀fàʼì mɨbe, ɨmbə̀ʼ ɨghəm nɨ wɨ̀ bɨrɨ ban wɨ fìbɨ̀ ghaʼ wɨ fìbɨ̀, kɨ̀ wɨ̀ fàʼ əmbɨ wɨ fìbɨ̀ ənɨ i fîŋ jìm tə̀ə̀nɨ̀ wɨ fìbɨ̀. Chəi ənɨ tɨ̀ à fàʼ əmbɨ ə Ŋwiə̀ bə̀ faʼ nɨ berɨ mbɔ̂n əwu əwən.

Ŋwìə̀ mɨ yeʼə zɨ̀ə̀ ngywɨ̌ ənɨ ɨfu nɨ yeʼ ɨkǎ rə̀chɔ̀ŋ, ɨsɔ mbɨ maʼ ɨŋga ɨwid, njɨ ka məd wa bɨrɨ zɨ i ngywɨ̌ ɨgwɨ nən chè ɨchî nɨ wɨ̀ zɨ ənɨ ɨfu ə? Ə ɨbenɨ ə kàŋ kə!

Àyɨə ənɨ àwɔ̀ ə nàʼ ɨghɨ əmbɨ wə̀d ŋgəʼ, tɨrə̀ ben e ni əbɔ ə tweŋ ə kyerɨ əghɨ ze nɨ əbɔ ə jɨgɨ ə ghɨ̀ə̀, ɨmbə̀ʼ àmei àwɔ̀ bɨrɨ kyerɨ. À mɨ ghɨ̀ əne, e Mbǎʼ we nɨə zə ɨnû mbe nɨ àwɔ̀ ə ghɨ̀ ənə̀mə, bɨrɨ chɔʼ e ə̀fàʼì.

“Mbə̀ we əwən ni tɨ mbə̀ ghɨ ə ɨnû mbe nɨ kuʼnɨ ɨfě bə̂d, àmei ɨmbə̀ʼ mbɨ zə əwən. Mbə mɨ ghɨ əne, njɨ chəi ə Mbǎʼ we nɨ yeʼ ɨkaŋ bɨrɨ chɔʼ ə ə̀fàʼì.

“Ənɨ mbə̀ chub rɨ jɨg, tɨ mbə̀ ghɨ ə ɨghabɨ ə bə̂d nɨə kə̀nə̀, ɨchî nɨ ɨbekɨ bə̂d ə ghɨ̀ə̀. Ɨ mbɨə ŋgɨ̀ndɨ̀ tə rɨfě ɨmbə̀ʼ bə̂d zə ni ɨ mbɨə chubə rɨ jɨg. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì. À yɨ ənɨ à chub rɨ jɨg, so e ɨfě bə̀ sɔ̀d e ətu, ɨmbə̀ʼ tɨ bə̂d zə ə ni à chub rɨ jɨg. Àmei e Mbǎʼ we nɨ chəi bə̂d ə zəə bɨrɨ zə. À mɨ ghɨ̀ əne, e Mbǎʼ we nɨə zə ɨnû mbe nɨ àwɔ̀ ə ghɨ̀ ənə̀mə bɨrɨ chɔʼ e ə̀fàʼì.