Popular Bible Verses from MATEO 18

Share

Niźaśa xaqhsikin pukultan uśh chhepultan weth thükiś akhsax nïki, xalla neqhśićha werhki ninakź taypikiś.”

“Ti śaqal khiwćha: Ti yoqkiś anćhukakiśtan pukultan palt'asaź nïki Yöśkin mayiśikan ćhhulullami mayśxapa, ni weth tsewkta ephki thäkićha.

Neqhśtan Jesusaki tshi uśha qhawśićha niźaśa ninakź taypikiś śhikchićha neqhśtan ninakźkiś khichićha: –Cheqpachal khiwćha anćhuk anaź tshi uśhaźtaqaś quś turkakiź nïki, anaź ni tsewkta irpiś wathkiś luśhakićha.

Xalla ni tsewkta Yöś irpiś wathkinaki xaqhsilta źoñit amu khissaxa niźaśa ti uśhaźtaqaś xalla nïćha cheqanaki.

Niźaśa xaqhsilta źoñit weth thükiś tshi uśha tanźnaćhaxa ti uśhaźtaqaś, nïki werhśaqaś tanźa.

“Cheqpachal khiwćha anćhukaź teqhś ti yoqkiś ćhelhtaki, niźtaśaqaś ćhelhta khekićha ni tsewkta yoqkinaki, niźaśa anćhukaź ti yoqkiś jerźtaki, niźtaśaqaś jerźta khekićha ni tsewkta yoqkinaki.

Jesusaki khichiśaqaśśa: –Weth tsewkta ephki nuźuśaqaś anćhukatan päkićha, xaqhsilta anćhukakiśtan ana thapa quśtan perśun jilźtan śumansnakiź nïki.

“Xaqsiltat ujkiś thxotsqatćhaxa ti wethkiś kirïchi qoltallanaka, xalla niźtanakaki xorkiś paqh thax moqźku tshi larama sumñi qotkiś xaquntiś wakiśićha.

“¿Neqhśtan anćhuk qhaźtaź nayxo? Tshi źoñi tshiwatha üśichiś khesaź nïki, neqhśtan tsha üśaź qatanaki, ¿anam ni sanquqhalu sanquchiś tama ni üśi ilaqś yoqkiś ekasaya, neqhśtan ni qatchi üśi qhuri oqaśxapa?