Popular Bible Verses from MATEO 26

Share

Anćhukki anaź thxaxakićha niźaśa źelhkanpanź źela, Yöśkin mayiśkan ana ujkiś thxotsxapa, niźaśa anćhuka animuki śuma quśtanćha, ans anćhukki añcha aś upaćha.

Jesusaki ninakźkiś khichićha: –Weth animuki añcha llakitaćha, niźaśa tikhśukapanćha. Anćhukki teqhś wethtan ekla, niźaśa anaź thxaxakićha.

Neqhśtan Jesusaki tshi qoluk tukkin oqźku yoqkiś pokt'ichićha, neqhśtan Yöśkin mayiśichićha tuź khikan: “Weth tatay, amiź munanaki ti t'aqhiśaki liwriyalla, anax weth quś pektakama khila, ans amiź pektax khila.”

xalla tïki weth lhokhćha, niźaśa uśhka ućhunnakaź palt'ita khekićha

Neqhśtan nuź lulhkan Jesusaki t'anta tanźku Yöśkin sparakiź khikan chïchićha, neqhśtan t'anta ćh'alhźku, nïź thaxintanakźkiś thächićha, tuź khikan: –Tanźna niźaśa lulhźna, tïćha weth xañchiki.

Neqhśtan tshi tasa nïź qharkiś tanźku Yöśkin sparakiź khikan chïchićha, xalla neqhśtan nïź thaxintanakźkiś thächićha tuź khikan: –Thappacha anćhukki ti taskiśtan likhźna

Neqhśtan Jesusaki ni chhepulan thaxintanakźkin kephźkichićha, niźaśa ninaka thxaxñi śalchićha. Piruźkiś khichićha: –¿Ana źeli atchamqaya wethtan tshi jejapachami?

Cheqpachal chiyućha, anal iya likaćha ni uw muntikiś poqchi winu, ni weth Ephź irpiś wathkiś anćhukatan ni ew winu likhśkama.

Neqhśtan Piruki khuñśićha Jesusiź chïta: “Ima piśk wilta wallpaź qhawan, amki chheph wiltam ana werh maśakićha.” Neqhśtan ulanźku Piruki añcha ira qächićha.

Źäźna oqhla; neqhś thonćha ni werh millk'untiñiki.

Neqhśtan Jesusaki nïźkiś khichićha: –Ni am paqh kuchillu śhoxśkiś ni kuchillu śhoxźna. Niźaśa thappacha ni paqh kuchillźtan qichasñiki, niźaśaqaś ni paqh kuchillźtan konta tikhźnakićha.