Popular Bible Verses from Luka 17

Share

Aka owaco ri jalo ni, “Ay malo imaki royo perin; yeyo perin otieko bothin.”

K'otimo rin marac dibirio ndelo acel, aka hongo je go bino bongin ka waco ni aŋuto, iripo cwako go.”

Ŋat'acel kwoŋ jo, munyo oneno ni kwoŋe ocango, ogik cen munyo pako Were gi derino madwoŋ swa, to podho piny dho ka tiendi Yesu to foyo go. Jalo oyido obedo Jasamaria.

Kure win! Ka omerin timo gimarac, kwer rigo, aka ka oŋuti, cwaki go.

Gino omiyo Yesu openjo ni, “Alwoŋo ni ji apar je jolony; to jabuŋwen man jonikune?

Rwoth odwoko ni, “Bedi winitie gi yeyo kada mathin paka nyingi kalantus di wiwaco ri yath madwoŋ me ni, ‘Fudhere woko gi tiendin ikidhi ipidhere i dier wakawaka, d'owinjo win.’ ”

Ŋata temo botho kwo pere bino rwenyo woko; ŋata rwenyo woko kwo pere ama bino botho.

Yesu owaco ri jofonjirok pere ni, “Gigipiny ma miyo ji podho i gimarac ripo bino; to kidamba bino bedo ri ŋat'omiy gigipiny no timirok! D'ober rigo bedi tweyi kidi m'ombo i ŋute t'ibolo go i wakawaka, loyo go kidho miyo acel kwoŋ nyaka jomathindho me timo gimarac.

Paka cango obedo i ndir pa Nowa apaka bende bino bedo i ndir pa Wod Dhano. Dhano je onwaŋo cemo, medho, aka cwo gi mon jonywomere cuka ndelo otundo ma Nowa odonj'iye i ye, aka mikula obino to neko woko ji je ma piny.