Popular Bible Verses from 1 Mga Taga-Corinto 11

Share

Human sa panihapon gikuha niya ang kupa ug miingon, “Mao kini ang kupa sa bag-ong kasabotan sa akong dugo. Matag inom ninyo niini, buhata sa paghandom kanako.” Kay sa matag kaon ninyo niining pan ug sa matag inom ninyo gikan niining kupa, gisangyaw ninyo ang iyang kamatayon hangtod sa pagbalik niya.

Kay nadawat ko gikan sa Ginoo ang pagtulon-an nga akong gitudlo kaninyo: nga ang Ginoong Jesus, sa gabii nga siya gibudhian, mikuha sa pan. Unya nagpasalamat siya sa Dios ug gipikaspikas niya ang pan ug miingon, “Mao kini ang akong lawas nga alang kaninyo. Buhata kini aron paghandom kanako.”

Busa kinahanglan nga ang matag usa magsusi sa iyang kaugalingon ug unya mokaon sa pan ug moinom gikan sa kupa. Kay kon dili niya ilhon ang kahulogan sa lawas sa Ginoo inigkaon niya sa pan ug inig-inom gikan sa kupa, siya ang nagpahamtang ug silot sa iyang kaugalingon.

Busa ang mokaon sa pan sa Ginoo o moinom gikan sa iyang kupa sa paagi nga dili takos, nakasala batok sa lawas ug sa dugo sa Ginoo.

Busa sunda ninyo ako sama nga gisunod ko si Cristo.