Popular Bible Verses from Yuána 1

Share

Tá gál mú ma đíin-, mú iiy yieká lulle íín hé muí ˈduuw gálle um Waaˈgiet yegetká shie.

Erkob-, Waag hátlé hé níínní ka kuonne mánká ˈDee hé biiy gaa ije. Máá gaalí ˈDéé yegetallá Waago hol af ije, ˈDee íínííllá he Waag.

Édhúmallá he édhúm bííy gaa ongʼoˈdeká gaa eedhdhesuo-, bííy gaa ongʼoˈdeká hí ma ˈdiđisinyká.

Aaléka, Máá gaalí ˈDéé yegetallá máádhat yie, múún gáál hurt gáá yíéđie. Mú guchlé ˈdúˈjím ubaa ˈduuw guđoká ˈgayyóóllá íl kínyaa nyí ki argiyye. Guch muí ˈgúóllá he ˈdaa giri mu íín he Iny ali ka takach-, ˈJaalle Waagká.

He met lullé Waag hí ká kuonnééllá mú ˈdaallé he ká nadhe, ki ija. Máállá muuninyka, he met lullé úr ubaa les gaa ijóóllá hé onnônyka mán. Mu íínííllá in luolmít hí yé gáá ˈdeˈdeenne. Luolmit kinaallá he édhúm gálaat gaa verenoká.

Bííy éíy taaka ka biˈdeká Yuána Yíésu hí ˈdu gáá yiimie-, argeká, đo kieye, Dhaayyíe, Élíny Waaˈgiet nyuogim ubaa ađaabano lésallá gaa egewká háluká!

Édhúmallá hé lésallá gaa ije. Mu íínííllá har úba les hí ˈdaalle ká naate-, les hí ki iđoka, les gálle hé mú ali gaa moonnodhe. Mu hé lésle ká yimie, kor mú gálle hé mú điidhe.

Édhúmallá he édhúm ˈdúwa-, lésallá ká yimie-, máádhat lulle édhum ˈdú kokuoká.

Hemuumurít íín Móshe hí gáál ká hilsie. ˈDúˈjím ubaa ˈgíérích ˈdúwáállá íín Yiesu Kirísto hí gáál ká hilie.