Popular Bible Verses from Yuána 6

Share

Yíésu kieye, ˈGuom luolmitiká he yú. Máá ye ˈdú gáá yimetká hé gon geer hí ma gaa bolominy. Máá ye iiy yeetká hé geđi báre hí ma chegesiny.

Hím Naasan Waaˈgieto gálaat luolmít shigicha. Gon hé uˈdoká mán. ˈDeeny yú hí geeyallá he Hím Naasan Waaˈgiet sidhamkícho luolmít shigichoká.

ˈGuom geere-, ˈdeđenetoká haí ˈdú aayáˈginy, ˈguom ma ˈdeđenen-, Iny Máádhat hí ka shiguo-, hí luolmit biiyoká yé ˈdú ˈdeđichoká ˈdú aayaˈgáa. Iny Máádhat íín he Máá ˈJaallé Waag hí ˈduuwle gálaat ki edhesieká, Yíésu hí gáál yie.

Hé ˈJaachú hí fedoká hééllá: Máá yáá Ínyííllá ye bala ˈdu gáá nuo-, ye iiy yeetká, luolmit biiyoká hai gaa yíéđima, tá kúlích biiy el ˈdaˈdká úba uushich yé ha yú gáá ˈdeđia, Yíésu hí gáál yie.

Yíésu gáál ˈdéé hol ˈdú nie, kieye, Hújích Waag hí gaa feˈdoká hééllá: Máá Waag hí ali gáá kaayyééllá iiy yiedhíe, muí gáál yie.

Gál ˈJaachú hí ye ká shiguoká lulle ha ye ˈdú gáá yiimedhe, tá máá ye ˈdú gáá yimetká yáá ma aruminy.

Aalé Símon Bétiro mú ˈdéé hol ˈdú nie, kieye, Máá Guđo, mááya nyí ˈdú seenne? Kúún in luolmit biiyoká ˈdeenyle ˈgayya háluke!

Yú he ˈguom luolmiti-, úr gáá chimieká. Máá ˈguomééllá kuoká taalle bííyyo ali he ija. ˈGuomééllá he gón chia yú suor hođuo-, les gálle hí luolmít ki aargiroká, Yíésu hí gáál yie.

Máádhat ˈdaab ˈJaa chia ye ali gáá kaayká hí ye ma ˈdu gáá éenyká, hé ye ma ˈdu gáá yiimen. Máá ˈJaachú hí ye ˈdu gáá eewká in yú kúlích biiy el ˈdaˈdká uushich yé gáá ˈdeđia.

ˈGuom Waag hí ká shigichóóllá he Máá úr gáá yimie-, gálaat luolmit ˈdúwaká shigúóllá, Yíésu hí gáál yie.

Yú he ˈguom luolmitiká.

Aaléka, Yíésu balashá eedhdhe, Waag ˈgielmít hol ˈdú nieká, balashá gaalí gál ál kinaal ijeká eiy gise. Hát tikiˈdéél gaal béé úba gálaat eiy gise. Gálaat lulle balashá ubaa béé ˈdaˈdab fedeká arge. Aalé gálaat gololte-, heyieká Yíésu lalille geey, kieye, ˈGuom ka ˈgisateká hol ˈdú shuunáa, haí okoˈdîny, yie.

Aalé gaal bás hurtéétí ˈdoyká, gaal máádhat bás ˈdug see, kadich kí ˈjobóndhe argeká, đo seerey. Yíésu đo gáál geey, kieye, He yú, haí seerêny! gáál yie.