Popular Bible Verses from Genesis 28

Share

Dumdoma nga magaupod ako sa imo kag magabantay sa imo bisan diin ikaw makadto, kag pabalikon ko ikaw sa sini nga duta. Indi ko ikaw pagbayaan tubtob mahimo ko ang tanan nga ginsaad ko sa imo.”

Dayon nakita niya ang GINOO nga nagatindog sa tupad niya kag nagsiling, “Ako amo ang GINOO, ang Dios ni Abraham kag ni Isaac. Pagaihatag ko sa imo kag sa imo mga kaliwat ining duta nga imo ginahigdaan.

Si Jacob nagmata kag nagsiling, “Matuod gid, ang GINOO yari diri! Yari sia sa sini nga lugar, kag wala ko ini mahibaloi!”

Dayon si Jacob naghimo sing panaad sa GINOO: “Kon mag-upod ka sa akon kag magbantay sa akon pagpanglakaton, kag maghatag sa akon sing pagkaon kag mga bayu, kag kon makabalik ako nga indi maano sa balay sang akon amay, dayon ikaw mangin-akon Dios. Ining bato nga akon ginpatindog subong isa ka haligi nga handumanan, manginlugar sa diin ikaw pagasimbahon kag pagaihatag ko sa imo ang ikapulo sang tanan nga igahatag mo sa akon.”

Ang imo mga kaliwat manginsubong kadamo sang yab-ok sa duta. Magalapad ang ila mga kadutaan pa aminhan, pa bagatnan, pa sidlangan kag pa nakatundan. Ang tanan nga mga kapungsoran sa duta magapangayo sa akon nga bendisyunan ko man sila subong sang akon pagbendisyon sa imo kag sa imo mga kaliwat.

Ginhingalanan niya ang lugar Betel. Luz ang ngalan sina nga banwa sang una.