Popular Bible Verses from Genesis 32

Share

Ang tawo nagsiling, “Indi ka na pagtawgon nga Jacob. Nagpakigdumog ka sa Dios kag sa mga tawo kag nagdaog ka, gani pagatawgon ka nga Israel.”

Ang tawo nagsiling, “Buy-i na ako, kay nagapamanagbanag na.” Pero si Jacob nagsabat, “Indi ko ikaw pagbuy-an kon indi mo ako pagbendisyunan.”

Pero, nabilin sia nga isahanon lang. Dayon may isa ka tawo nga nag-abot kag nagdumog sa iya tubtob sa kaagahon.

Si Jacob nagsiling, “Nag-atubangay kami sang Dios, kag karon buhi pa gihapon ako.” Gani ginhingalanan niya ang lugar Peniel.

Sang nabatyagan sang tawo nga indi sia makadaog kay Jacob, ginhampak niya si Jacob sa lutalutahan sang iya balikawang, kag nagliw-as ini.

Ang tawo nagpamangkot, “Ano ang ngalan mo?” Nagsabat sia, “Si Jacob.”

Si Jacob nagsiling, “Kon mahimo sugiri ako sang imo ngalan.” Pero nagsabat sia, “Ngaa ginapamangkot mo ang akon ngalan?” Dayon ginbendisyunan niya si Jacob.

Indi ako takos sang tanan nga kaayo kag katutom nga imo ginpakita sa akon nga imo alagad. Gintabok ko ang Jordan nga wala gid sing bisan ano, kundi baston gid lang, kag karon nagbalik ako nga may duha na ka mga grupo.

Amo ini ang kabangdanan kon ngaa tubtob karon ang mga Israelinhon wala nagakaon sang unod sa lutalutahan sang balikawang tungod kay ginhampak si Jacob sa sini nga bahin.

Dayon si Jacob nagpangamuyo, “Dios sang akon lolo nga si Abraham, kag Dios sang akon amay nga si Isaac, pamatii ako! Nagsiling ka sa akon, O GINOO, nga magbalik ako sa akon duta kag sa akon mga pariente, kag himuon mo nga ang tanan manginmaayo sa akon.

Ginapangamuyo ko, luwasa ako sa kamot sang akon utod nga si Esau. Nahadlok ako kay basi nagapadulong sia sa pagsalakay sa amon kag sa pagpamatay sa amon tanan, bisan pa sang mga babayi kag sang mga kabataan.