Popular Bible Verses from MGA BINUHATAN 1

Share

Apang magabaton kamo sing gahum kon ang Espiritu Santo mag-abut sa inyo; kag manginsaksi ko kamo sa Jerusalem kag sa bug-os nga Judea kag Samaria kag tubtub sa ukbung sang duta.”

Nagsabat sia sa ila, “Indi inyo ang paghibalo sang mga tion ukon mga dag-on nga ginpat-ud sang Amay sa iya kaugalingon nga pagbulut-an.

Kag sang nagapabilin upud sa ila nagsogo sia sa ila nga dili maghalin sa Jerusalem, kondi maghulat sang saad sang Amay, nga, siling niya, “inyo nabatian sa akon, kay si Juan nagbautiso sa tubig, apang bautisohan kamo sa Espiritu Santo sa indi madugay nga mga adlaw kutub karon.”

Sa ila sia nagpakita sang iya kaugalingon nga buhi sa tapus ang iya pag-antus paagi sa madamung pagpamatuud, nga nagapakita sa ila sa sulud sang kap-atan ka adlaw, kag nagapamolong sang ginharian sang Dios.

Kag sang nakasiling sia sini, sa nagatolok sila, ginbayaw sia, kag ang panganud nagbaton sa iya gikan sa ila itololok.

Kag sang nagatolok sila sa langit sang nagpaibabaw sia, yari karon, may duha ka tawo nga napanaptan sing maputi nga nagtindug sa luyo nila, kag nagsiling, “Mga tawo sa Galilea, ngaa bala nagatindug kamo nga nagatolok sa langit? Ining Jesus, nga ginbayaw pa langit gikan sa inyo, magabalik sa amo nga bagay subong nga nakita ninyo sia nga nagapalangit.”