Popular Bible Verses from GENESIS 17

Share

Sang si Abram kasiaman kag siam ka tuig ang GINOO nagpahayag kay Abram, kag nagsiling sa iya, “Ako Dios nga Makaako; maggawi ka sa atubangan nakon, kag maghimpit ka.

Indi na ikaw pagtawgon nga Abram, kondi ang imo ngalan Abraham; kay ginhimo ko ikaw nga amay sang kadam-an sang mga pungsud.

Kag ako magatukud sang akon katipan sa tunga nakon kag nimo kag sa imo mga kaliwatan sa olihi nimo sa bug-os nila nga mga kaliwatan nga katipan nga dayon, nga mangin-Dios sa imo kag sa imo mga kaliwatan sa olihi nimo.

“Yari karon, ang akon katipan upud sa imo, kag mangin-amay ka sang kadam-an sang mga pungsud.

Ang Dios nagsiling, “Indi, kondi si Sara nga imo asawa magapanganak sa imo sing anak nga lalaki, kag hingalanan mo sia Isaac. Magapakigkatipan ako sa iya subong nga dayon nga katipan nga sa iya mga kaliwatan sa olihi niya.

Kag ihatag ko sa imo, kag sa imo mga kaliwatan sa olihi nimo, ang duta nga imo ginpanglugayawan, ang bug-os nga duta sang Canaan, nga kaugalingon nga dayon; kag mangin-ila Dios ako.”

Niyan si Abraham naghapa kag nagkadlaw, kag nagsiling sa iya tagiposoon, “Mangin-amay bala sang isa ka anak ang tawo nga isa ka gatus ka tuig? Si Sara, nga kasiaman ka tuig, magabata pa bala?”

Kag ang Dios nagsiling kay Abraham, “Nahanungud kay Sarai nga imo asawa, indi ka magtawag sa iya nga Sarai, kondi Sara ang iya ngalan.

Circuncidahon kamo sa unud sang inyo napunta nga panit, kag ini mangintanda sang katipan sa tunga nakon kag ninyo.

Apang magapakigkatipan ako kay Isaac, nga ipanganak sa imo ni Sara sa sining napat-ud nga tion sa tuig nga masonod.”

Sia nga walo ka adlaw sa inyo tunga circuncidahon; ang tagsa ka lalaki sa bug-os ninyo nga mga kaliwatan, bisan ang natawo sa balay, ukon ginbakal sing cuarta sa bisan kay sin-o nga dumuloong nga indi sa imo kaliwat, tingub ang natawo sa imo balay kag ang ginbakal sang imo cuarta, circuncidahon. Gani ang akon katipan mangindayon nga katipan sa inyo unud.