Popular Bible Verses from GENESIS 17

Share

Ket idi a ni Abram nagtawen iti siam a pulo ket siam, ni Jehova nagparang ken Abram, ket kinunana kencuana, Siac ti Dios a Mannacabalin amin; magnaca iti sangoc ket awan coma ti pagcurcurangam.

Ket dinto maawaganen ti naganmo nga Abram; ngem ti naganmo isunto Abraham; ta incabilcan nga ama dagiti adu a pagpagarian.

Ket buangayecto ti pagtaluganta, ken cadagiti putotmo iti calpasam, bayat dagiti caputotanda, nga agnanayon a nomo, tapno siac ti Diosmo ken Dios dagiti putotmo iti calpasam.

No maipapan caniac, adtoy, ti tulagco adda kenca, ket sicanto ti ama ti maysa a caadu a pagpagarian.

Ket ti Dios kinunana, Pudno unay, ni Sara nga asawam mangyanacto kenca iti maysa a lalaki, ket panaganamto iti Isaac: ket patalgedacto ti tulagco kencuana, a panagcaycaysa nga agnanayon cadagiti putotna iti calpasanna.

Ket itedconto kenca ken iti putotmo, iti calpasam, ti daga dagiti naggangannaetam, amin ti daga a Canaan, a tagicucuaen iti agnanayon; ket siacto ti Diosda.

Idin ni Abraham nagpacleb ket nagcatawa, ket kinunana iti pusona, Ti lalaki nga sangagasut dagiti tawenna macayanacto iti maysa nga anac? Ket ni Sara, nga siam a pulo dagiti tawenna aganacto?

Ket ti Dios kinunana ken Abraham, Ni Sarai nga asawam saanmonto a nagananen Sarai, ngem ti nagannanto Sara.

Macugitcayto; ket daytoyto ti pagilasinan ti tulagta.

Ngem ti tulagco buangayecto ken Isaac, isu a yanacto kenca ni Sara iti daytoy a tiempo a nakedngan ti sumaruno a tawen.

Ket ti adda walo nga aldawna cadacayo macugitto, amin a lallaki cadagiti caputotanyo, ti mayanac iti balay, wenno ti magatang iti pirac iti uray siasino a gangannaet, a saan a caputotam. Ti mayanac iti balaymo, ken ti magatang iti piracmo, masapul a macugitda: ket addanto ti tulagco iti lasagyo a maipaay iti awan patinggana a panagcaycaysa.